എല്ലാവർക്കും ആരോഗ്യം എന്നതാണ് സർക്കാർ മുദ്രാവാക്യം: റവന്യൂമന്ത്രി കെ രാജൻ

നേതാക്കളും പ്രവർത്തകരും തെരഞ്ഞെടുപ്പിൽ ശ്രദ്ധ കേന്ദ്രീകരിക്കണമെന്നു സോണിയാ ഗാന്ധി

അടുത്ത 24 മണിക്കൂർ അതീവ ജാഗ്രത പുലർത്തണമെന്ന് മുഖ്യമന്ത്രി

+

തുലാമാസപൂജകൾക്കായി ശബരിമല നട ഇന്ന് തുറക്കും

കൊറോണ: രാജ്യത്ത് 15,981 രോഗികൾ

ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 15,981 പേർക്ക് കൂടി കൊറോണ സ്ഥിരീകരിച്ചു. ഇതോടെ രാജ്യത്തെ ആകെ രോഗികളുടെ എണ്ണം 3,40,53,573 ആയി. 2,01,632 പേരാണ് വിവിധ ഇടങ്ങളിൽ രോഗം ബാധിച്ച് ചികിത്സയിൽ കഴിയുന്നത്. കേരളത്തിലാണ് പ്രതിദിന രോഗികൾ ഏറ്റവും കൂടുതലുള്ളത്. കഴിഞ്ഞ 24 മണിക്കൂറിനിടെ കേരളത്തിൽ 8867 പേർക്കാണ് രോഗം സ്ഥിരീകരിച്ചത്. രാജ്യത്തിന് ആശ്വാസമായി കഴിഞ്ഞ കുറച്ച് ദിവസങ്ങളിലായി രോഗമുക്തി നേടുന്നവരുടെ എണ്ണത്തിലും തുടർച്ചയായ വർദ്ധനവാണ് രേഖപ്പെടുത്തുന്നത്. 17,861 പേർക്കാണ് കഴിഞ്ഞ 24 മണിക്കൂറിനിടെ രോഗം ഭേദമായത്. 3,33,99,961 പേർ ഇതുവരെ രോഗമുക്തി നേടി. 970 കോടിയിലധികം പേരാണ് വാക്‌സിൻ സ്വീകരിച്ചത്. ഇതുവരെ രാജ്യത്ത് 97,23,77,045 പേർ വാക്‌സിനേഷന്റെ ഭാഗമായിട്ടുണ്ടെന്ന് ആരോഗ്യമന്ത്രാലയം അറിയിച്ചു. 166 മരണങ്ങളാണ് റിപ്പോർട്ട് ചെയ്തത്. രാജ്യത്തെ ആകെ കൊറോണ മരണം 4,51,980 ആയി. കഴിഞ്ഞ 24 മണിക്കൂറിനിടെ 9,23,003 സാമ്പിളുകളാണ് രാജ്യത്ത് വിവിധ ആരോഗ്യ കേന്ദ്രങ്ങളിൽ പരിശോധിച്ചത്. ഇതോടെ രാജ്യത്ത് ആകെ പരിശോധിച്ച സാമ്പിളുകളുടെ എണ്ണം 58,98,35,158 ആയി ഉയർന്നു. . .

അമേരിക്കയിൽ ഫുട്‌ബോൾ മത്സരത്തിനിടെ വെടിവെപ്പ്; അഞ്ചുപേർക്ക് ഗുരുതര പരിക്ക്

അൽബാമ: അമേരിക്കയിലെ ഒരു ഫുട്‌ബോൾ മത്സരത്തിനിടെയുണ്ടായ വെടിവെപ്പിൽ അഞ്ചുപേർക്ക് ഗുരതര പരിക്ക്. അൽബാമയിലെ ലാഡ്-പീബിൾസ് സ്റ്റേഡിയത്തിലെ മത്സരത്തിനിടെയാണ് വെടിവെപ്പുണ്ടായത്. വെടിയേറ്റവരിൽ രണ്ടുപേർ കുട്ടികളാണെന്ന് അൽബാമ പോലീസ് മേധാവി അറിയിച്ചു. ഇന്നലെ രാത്രി പത്തുമണിക്കാണ് മത്സരത്തിനിടെ വെടിവെപ്പുണ്ടായത്. വിഗർ-വില്ല്യംസൺ ക്ലബ്ബുകളുടെ മത്സരം തീരാൻ നിമിഷങ്ങളുള്ളപ്പോഴാണ് കാണികളിലുണ്ടായിരുന്ന രണ്ടുപേർ വെടിയുതിർത്തത്. പരിഭ്രാന്തരായ കാണികൾ സ്റ്റേഡിയത്തിൽ നിന്നും പുറത്തുകടക്കാനായി നടത്തിയ ശ്രമങ്ങൾക്കിടെ നിരവധി പേർക്ക് വീണ് പരിക്കേറ്റൽക്കുകയും ചെയ്തു. കഴിഞ്ഞയാഴ്ച അൽബാമ മേഖലയിൽ വെടിവെപ്പിൽ രണ്ടുപോലീസുദ്യോഗസ്ഥർ കൊല്ലപ്പെട്ടിരുന്നു. കഴിഞ്ഞവർഷം മാളിലുണ്ടായ വെടിവെപ്പിൽ ആറുപേരാണ് കൊല്ലപ്പെട്ടത്. . . .

.

കൊന്നത് മതഗ്രന്ഥത്തെ അപമാനിച്ചതിനാൽ; തെല്ലും കുറ്റബോധമില്ലന്നു പ്രതി

ന്യൂഡൽഹി : സിംഗു അതിർത്തിയിൽ യുവാവിനെ നിഷ്ഠൂരമായി കൊലപ്പെടുത്തിയതിൽ തെല്ലും കുറ്റബോധമില്ലെന്ന് കീഴടങ്ങിയ സരബ്ജീത് സിംഗ്. കോടതിയിലേക്ക് കൊണ്ടുപോകും വഴി മാദ്ധ്യമങ്ങളോട് ആയിരുന്നു ഇയാളുടെ പ്രതികരണം. മത ഗ്രന്ഥത്തെ അപമാനിച്ചതിനാലാണ് അയാളെ കൊലപ്പെടുത്തിയതെന്നും ഇയാൾ ആവർത്തിച്ചു. കൊല ചെയ്തതിൽ തെല്ലും കുറ്റബോധമില്ല. വിശുദ്ധഗ്രന്ഥത്തെ അപമാനിച്ചതിനാലാണ് അയാളെ കൊലപ്പെടുത്തിയത്. ദൈവ നിന്ദകരായ എല്ലാവർക്കും ഇതൊരു പാഠമാണ്. ഇനിയൊരിക്കലും ഇത് ആരും ആവർത്തിക്കാൻ ധൈര്യപ്പെടരുതെന്നും സരബ്ജീത് സിംഗ് പറഞ്ഞു. ഇന്നലെയാണ് സരബ്ജീത് സിംഗും ഇയാളുടെ സംഘത്തിലെ മറ്റ് നിഹാംഗുകളും ചേർന്ന് ലഖ്ബീർ സിംഗ് എന്ന യുവാവിനെ അതി ക്രൂരമായി കൊലപ്പെടുത്തിയത്. സിംഗുവിലെ സമരവേദിയിൽവെച്ചായിരുന്നു കൊലപാതകം. കൈകൾ അറുത്തുമാറ്റി സമരവേദിയിലെ ബാരിക്കേഡിൽ കെട്ടിത്തൂക്കിയ നിലയിലായിരുന്നു ലിഖ്ബീർ സിംഗിന്റെ മൃതദേഹം കണ്ടെത്തിയത്. അതേസമയം ലഖ്ബീർ സിംഗ് സിഖ് മതഗ്രന്ഥത്തെ അപമാനിച്ചുവെന്നത് വിശ്വസിക്കാൻ കഴിയില്ലെന്നാണ് പ്രദേശവാസികൾ പറയുന്നത്. ലഖ്ബീറിനെതിരായ നിഹാംഗുകളുടെ ആരോപണം അടിസ്ഥാന രഹിതമാണ്. തികഞ്ഞ മതവിശ്വാസിയാണ് അദ്ദേഹമെന്നും പ്രദേശവാസികൾ വ്യക്തമാക്കി .

ഡോക്ടറെ മർദിച്ച സംഭവം; പഞ്ചായത്ത് പ്രസിഡന്‍റ് അറസ്റ്റിൽ

കൊല്ലം: ശാസ്തംകോട്ട താലൂക്ക് ആശുപത്രിയിൽ സർക്കാർ ഡോക്ടറെ മർദിച്ച സംഭവത്തിൽ ശൂരനാട് വടക്ക് പഞ്ചായത്ത് ശ്രീകുമാർ അറസ്റ്റിൽ. സ്വകാര്യ ആശുപത്രിയില്‍ നിന്നും ഡിസ്ചാര്‍ജ്ജ് ചെയ്തതിന് പിന്നാലെയാണ് അറസ്റ്റ്. ശ്രീകുമാര്‍ അടക്കം ഏഴു പേർക്കെതിരെയാണ് ജാമ്യമില്ലാ വകുപ്പ് പ്രകാരം കേസ് എടുത്തിരുന്നത്. അതിനിടെ ആക്രമണത്തിന് പിന്നാലെ കോൺഗ്രസ് നേതാവ് ആശുപത്രി സൂപ്രണ്ടിനോട് ഭീഷണി മുഴക്കുന്ന ഫോൺ സംഭാഷണം പുറത്ത് വന്നിരുന്നു. പത്മാവതി ആശുപത്രിയിൽ ചികിത്സയിലായിരുന്ന ശ്രീകുമാർ ഡിസ്ചാർജ് ആയതിന് പിന്നാലെയാണ് ശാസ്താംകോട്ട പൊലീസ് അറസ്റ്റ് രേഖപ്പെടുത്തിയത്. സംഭവത്തിൽ ശ്രീകുമാറിന് പുറമെ ഡി.സി.സി ജനറൽ സെക്രട്ടറി കാഞ്ഞിരംവിള അജയകുമാർ, യൂത്ത് കോൺഗ്രസ് പ്രവർത്തകൻ നിതിൻ കല്ലട എന്നിവരെയും കണ്ടാലറിയുന്ന നാലുപേരെയുമാണ് പ്രതി ചേര്‍ത്തിട്ടുള്ളത്.ജാമ്യമില്ലാ വകുപ്പുകൾ പ്രകാരമാണ് ഇവർക്കെതിരെ കേസ്. ആക്രമണവുമായി ബന്ധപ്പെട്ട ആശുപത്രി സൂപ്രണ്ട് ഡോക്ടർ ഷഹാന മുഹമ്മദ് നൽകിയ പരാതിയിലാണ് അറസ്റ്റ്. പ്രതികളെ അറസ്റ്റ് ചെയ്തതിന് പിന്നാലെ ശാസ്താംകോട്ട താലൂക്കാശുപത്രിയിൽ ഒ.പി ബഹിഷ്കരിച്ച് ആശുപത്രി ജീവനക്കാര്‍ നടത്തിയ സമരം അവസാനിപ്പിച്ചു. .

പെണ്‍കുട്ടിയെ സ്കൂളിലേക്ക് വിളിച്ചുവരുത്തി ബലാത്സംഗം ചെയ്ത അധ്യാപകന്‍ അറസ്റ്റില്‍

ജയ്പൂരിൽ പെൺകുട്ടിയെ സ്‌കൂളിലേക്ക് വിളിച്ചു വരുത്തി ബലാത്സംഗം ചെയ്ത കേസിൽ അധ്യാപകന്‍ അറസ്റ്റില്‍. സ്‌കൂൾ പ്രിൻസിപ്പള്‍ കേശവ് യാദവിനെയാണ് പോലീസ് അറസ്റ്റ് ചെയ്തത്. ഒക്ടോബർ അഞ്ചിന് ജുൻ ജുനു ജില്ലയിലാണ് നാടിനെ നടുക്കിയ സംഭവം അരങ്ങേറിയത്. സ്‌കൂൾ പ്രിൻസിപ്പളായ കേശവ് യാദവ് ക്ലാസ്സ് ഉണ്ടെന്ന വ്യാജേന കുട്ടിയെ സ്‌കൂളിലേക്ക് വിളിച്ച് വരുത്തുകയും ബലാത്സംഗം ചെയ്യുകയുമായിരുന്നു. കുട്ടി വിവരം കുടുംബക്കാരെ അറിയിച്ചതോടെയാണ് സംഭവം പുറംലോകമറിഞ്ഞത്. കുട്ടിയുടെ കുടുംബം ചൈൽഡ് ഹെൽപ് ലൈനിൽ പരാതി നൽകിയതിനെത്തുടർന്ന് പോലീസ് കഴിഞ്ഞ ദിവസമാണ് കേശവ് യാദവിനെ അറസ്റ്റ് ചെയ്തത്. പീഡനവിവരം സ്കൂളിലെ മറ്റ് അധ്യാപകരെ അറിയിച്ചിരുന്നു എന്നും എന്നാൽ സംഭവം പുറത്ത് പറയരുതെന്ന് അവർ തന്നെ ഭീഷണിപ്പെടുത്തി എന്നും പെൺകുട്ടി പറഞ്ഞു. മുമ്പും സ്‌കൂൾ പ്രിൻസിപ്പൾ തന്നെ ഉപദ്രവിക്കാൻ ശ്രമിച്ചിരുന്നതായി പെൺകുട്ടി പോലീസിനെ അറിയിച്ചു. സംഭവത്തിൽ അധ്യാപകനെതിരെ പോക്‌സോ ചുമത്തിയിട്ടുണ്ട്.

10691 പേർക്ക് കോവിഡ് 85 മരണം രോഗമുക്തി

ഞായറാഴ്ച വരെ ശക്തമായ കാറ്റിനും ഇടിമിന്നലോടുകൂടിയ മഴയക്കും സാധ്യത

സംസ്ഥാനത്ത് ഞായറാഴ്ച (ഒക്ടോബർ 17)വരെ ശക്തമായ കാറ്റിനും ഒറ്റപ്പെട്ട ഇടങ്ങളിൽ ഇടിമിന്നലോടുകൂടിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഈ സാഹചര്യം മുൻനിർത്തി സംസ്ഥാന ദുരന്ത നിവാരണ അതോറിറ്റി പൊതുജനങ്ങൾക്കായി ജാഗ്രതാ നിർദേശം പുറപ്പെടുവിച്ചു. ശക്തമായ കാറ്റിൽ മരങ്ങൾ കടപുഴകിയും, ചില്ലകൾ ഒടിഞ്ഞുവീണും അപകടങ്ങൾ ഉണ്ടാകാൻ സാധ്യതയുണ്ട്. കാറ്റും മഴയും ഉണ്ടാകുമ്പോൾ ഒരു കാരണവശാലും മരങ്ങളുടെ ചുവട്ടിൽ നിൽക്കാൻ പാടില്ല. വീട്ട് വളപ്പിലെ മരങ്ങളുടെ അപകടകരമായ രീതിയിലുള്ള ചില്ലകൾ വെട്ടിയൊതുക്കണം. ഉറപ്പില്ലാത്ത പരസ്യ ബോർഡുകൾ, വൈദ്യുതപോസ്റ്റുകൾ, കൊടിമരങ്ങൾ തുടങ്ങിയവ കടപുഴകി വീഴാൻ സാധ്യതയുള്ളതിനാൽ കാറ്റും മഴയും ഇല്ലാത്ത സമയത്ത് അവ ശരിയായ രീതിയിൽ ബലപ്പെടുത്തുകയോ, അഴിച്ചു വെക്കുകയോ ചെയ്യണം. മഴയും കാറ്റുമുള്ളപ്പോൾ ഇവയുടെ ചുവട്ടിലോ, സമീപത്തോ നിൽക്കുകയോ വാഹനങ്ങൾ പാർക്ക് ചെയ്യാനോ പാടില്ല.കാറ്റ് വീശി തുടങ്ങുമ്പോൾ തന്നെ വീടുകളിലെ ജനലുകളും വാതിലുകളും അടച്ചിടണം. ജനലുകളുടെയും വാതിലുകളുടെയും സമീപത്തും വീടിന്റെ ടെറസിലും നിൽക്കരുത്. ഓല മേഞ്ഞതും ഷീറ്റ് പാകിയതും അടച്ചുറപ്പില്ലാത്തതുമായ വീടുകളിൽ താമസിക്കുന്നവർ 1077 എന്ന നമ്പറിൽ ജില്ലാ ദുരന്ത നിവാരണ അതോറിറ്റിയുടെ കൺട്രോൾ റൂമുമായി ബന്ധപ്പെടണം. മുന്നറിയിപ്പ് വരുന്ന ഘട്ടങ്ങളിൽ അധികൃതർ ആവശ്യപ്പെടുമ്പോൾ സുരക്ഷിതമായ കെട്ടിടങ്ങളിലേക്ക് മാറിത്താമസിക്കണം. .

ഒന്നരവയസുകാരിയെ പുഴയിൽ തള്ളിയിട്ടു കൊന്നത് അച്ഛൻ

പാനൂർ പാത്തിപ്പാലത്ത് ഒന്നര വയസ്സുള്ള കുഞ്ഞിനെ പുഴയിൽ മരിച്ച നിലയിൽ കണ്ടെത്തിയ സംഭവത്തില്‍ പ്രതി അച്ഛന്‍ തന്നെയെന്ന് പൊലീസ്. കൊല്ലേരി യു.പി സ്കൂളിലെ അധ്യാപികയായ സോനയുടെ മകൾ അൻവിതയാണ് കൊല്ലപ്പെട്ടത്. ഭാര്യയെയും കുഞ്ഞിനെയും പുഴയില്‍ തള്ളിയിട്ട് കൊല്ലാന്‍ ഭര്‍ത്താവായ ഷിജു തന്നെയാണ് ശ്രമിച്ചതെന്ന് പൊലീസ് പറഞ്ഞു. പുഴയിൽ വീണ് മുങ്ങിത്താണുകൊണ്ടിരുന്ന സോനയെ നാട്ടുകാര്‍ ചേര്‍ന്നാണ് രക്ഷപെടുത്തിയത്. സോനയുടെ ഒന്നര വയസുകാരിയായ മകളുടെ ജീവന്‍ പക്ഷേ രക്ഷിക്കാനായിരുന്നില്ല. തന്നെയും കുട്ടിയേയും ഭർത്താവ് ഷിജു പുഴയിൽ തള്ളിയിട്ടതാണെന്ന് സോന പൊലീസിന് മൊഴി നൽകിയിരുന്നു ഒളിവിൽ കഴിയുന്ന പ്രതിയായ ഷിജുവിനെക്കുറിച്ച് വിവരങ്ങൾ ലഭിച്ചിട്ടുണ്ടെന്നും ഇപ്പോള്‍ വെളിപ്പെടുത്താനാകില്ലെന്നും പൊലീസ് പറഞ്ഞു. അൻവിതയെ കൊലപ്പെടുത്തിയതിനും ഭാര്യയായ സോനയെ കൊലപ്പെടുത്താന്‍ ശ്രമിച്ചതിനും പൊലീസ് ഷിജുവിനെതിരെ കേസെടുത്തിട്ടുണ്ട്. ഇന്നലെ രാത്രി ഏഴരയോടെ വളള്യായി റോഡിൽ ചാത്തൻമൂല വാട്ടർ ടാങ്കിനോട് ചേർന്ന ഭാഗത്താണ് സംഭവം. സോനയുടെ കരച്ചിൽ കേട്ടാണ് നാട്ടുകാർ ഇവിടേക്ക് ഓടിയെത്തിയത്. പുഴയിൽ മുങ്ങിത്താഴുന്ന സോനയെ ആദ്യം രക്ഷപെടുത്തി കരക്കെത്തിച്ചു. പിന്നീടാണ് കുഞ്ഞും പുഴയിൽ മുങ്ങിയ വിവരം അറിയുന്നത്. തുടർന്ന് നടത്തിയ പരിശോധനയിൽ കുഞ്ഞിന്‍റെ മൃതദ്ദേഹം കണ്ടെത്തുകയായിരുന്നു.തലശ്ശേരി കോടതിയിലെ ജീവനക്കാരനായ ഭർത്താവ് ഷിജുവിനൊപ്പം ബൈക്കിലാണ് സോനയും മകളും പുഴക്കരയിൽ എത്തിയത്. ബൈക്ക് പുഴയുടെ സമീപത്ത് നിന്ന് കണ്ടെടുത്തിരുന്നു. .

റായ്പൂര്‍ റെയില്‍വേ സ്റ്റേഷനില്‍ സ്ഫോടനം; ആറ് ജവാന്മാർക്ക് പരിക്ക്

ഛത്തീസ്ഗഢിലെ റായ്പൂർ റെയിൽവേ സ്റ്റേഷനിൽ സ്ഫോടനം. ആറ് സിആര്‍പിഎഫ് ജവാന്മാർക്ക് പരിക്കേറ്റു. ഒരാളുടെ നില ഗുരുതരമാണ്. ഇന്ന് രാവിലെ 6.30ഓടെയാണ് സ്ഫോടനമുണ്ടായത്. സിആര്‍പിഎഫ് സ്പെഷ്യല്‍ ട്രെയിന്‍ നിര്‍ത്തിയിട്ട സമയത്ത് ഗ്രനേഡ് പൊട്ടിത്തെറിക്കുകയായിരുന്നു. പരിക്കേറ്റവരില്‍ രണ്ടു പേരെ റായ്പൂരിലെ നാരായണ ആശുപത്രികളിലേക്കും ബാക്കിയുള്ളവരെ സ്വകാര്യ ആശുപത്രിയിലേക്കും മാറ്റി. ഝര്‍സുഗുഡയില്‍ നിന്ന് ജമ്മുവിലേക്ക് പോവുകയായിരുന്നു ട്രെയിന്‍ .

തിരുവനന്തപുരം നഗരസഭയിലെ നികുതി തട്ടിപ്പ് കേസ്; ഒന്നാം പ്രതി അറസ്റ്റില്‍

തിരുവനന്തപുരം നഗരസഭയിലെ നികുതി തട്ടിപ്പ് കേസിലെ ഒന്നാം പ്രതി അറസ്റ്റിൽ. ക്യാഷർ സുനിതയാണ് അറസ്റ്റിലായത്. നേരത്തേ സുനിതയടക്കം ഏഴ് ജീവനക്കാരെ അന്വേഷണ വിധേയമായി സര്‍വീസില്‍ നിന്ന് സസ്പെൻഡ് ചെയ്തിരുന്നു. കരമടച്ച 27 ലക്ഷം രൂപ കോർപ്പറേഷൻ അക്കൗണ്ടില്‍ നിക്ഷേപിക്കാതെയാണ് പ്രതികള്‍ തട്ടിപ്പ് നടത്തിയത്. സൂപ്രണ്ട് എസ്.ശാന്തിയടക്കം അഞ്ച് ഉദ്യോഗസ്ഥരെ ഇനിയും പിടികൂടാനുണ്ട്. സംസ്ഥാന ഓഡിറ്റ്‌ വകുപ്പിന്‍റെ പരിശോധനയിലാണ് തിരുവനന്തപുരം നഗരസഭയില്‍ ഗുരുതര ക്രമക്കേട്‌ നടന്നതായി കണ്ടെത്തിയത്. ശ്രീകാര്യം സോണൽ ഓഫീസിൽ ക്രമക്കേട്‌ ശ്രദ്ധയിൽപ്പെട്ടതിനെ തുടർന്ന്‌ മുഴുവൻ സോണൽ ഓഫീസുകളിലും പ്രത്യേക പരിശോധന നടത്താൻ മേയർ നിർദേശിക്കുകയായിരുന്നു. ശ്രീകാര്യത്ത് രണ്ട്‌ ജീവനക്കാരെയും അന്വേഷണ വിധേയമായി സസ്പെൻഡ് ചെയ്തിരുന്നു. തുടർന്നുള്ള പരിശോധനയിലാണ്‌ നേമത്തും ഗുരുതര ക്രമക്കേട് കണ്ടെത്തിയത്‌. ഉള്ളൂർ, ആറ്റിപ്ര സോണൽ ഓഫീസുകളിലും പ്രശ്‌നങ്ങളുണ്ടായതായും കണ്ടെത്തി. കുറ്റക്കാരായ ജീവനക്കാർക്കെതിരെ പണാപഹരണത്തിനും ഗൂഢാലോചനയ്ക്കും വ്യാജരേഖ ചമച്ചതിനും ക്രിമിനൽ നടപടിക്രമം അനുസരിച്ച് നടപടി സ്വീകരിക്കാൻ മേയര്‍ പൊലീസിന്‌ നിർദേശം നൽകിയിരുന്നു. കണക്കുകൾ പരിശോധിക്കാൻ നഗരസഭാതലത്തിൽ പ്രത്യേക സംവിധാനം രൂപീകരിക്കുന്നതിനെക്കുറിച്ച് ആലോചിക്കുമെന്നും മേയർ ആര്യ രാജേന്ദ്രൻ അന്ന് വ്യക്തമാക്കിയിരുന്നു. . .

ഇന്ന് ലോക ഭക്ഷ്യദിനം

  ഇന്ന് ലോക ഭക്ഷ്യദിനം. 1945 ൽ രൂപീകൃതമായ ഐക്യരാഷ്‌ട്രസഭയുടെ ഭക്ഷ്യ കാർഷിക സംഘടന ആണ് ഒക്ടോബർ 16 ഭക്ഷ്യ ദിനമായി ആചരിക്കാൻ തുടങ്ങിയത്. ‘നമ്മുടെ പ്രവൃത്തികളാണ് നമ്മുടെ ഭാവി. മെച്ചപ്പെട്ട ഉത്പാദനം, മെച്ചപ്പെട്ട പോഷകാഹാരം, മെച്ചപ്പെട്ട പരിസ്ഥിതി, മെച്ചപ്പെട്ട ജീവിതം.’ എന്നതാണ് ഈ വർഷത്തെ വിഷയം. 1979 മുതലാണ് ഈ ദിനാഘോഷം ആരംഭിക്കുന്നത്. ദാരിദ്ര്യത്തിനും വിശപ്പിനും കാരണമായ ഒട്ടേറെ പ്രശ്‌നങ്ങളെ കുറിച്ച് ചിന്തിക്കാനും പരിഹാരം കണ്ടെത്താനുമുള്ള ബോധവത്കരണമാണ് ഈ ദിവസം കൊണ്ട് ഉദ്ദേശിക്കുന്നത്. ലോക ജനതയിൽ ഒരു വിഭാഗം വിശപ്പകറ്റാനുള്ള മാർഗങ്ങൾ തേടുമ്പോൾ മറുഭാഗത്ത് പുതിയ ഭക്ഷണരീതികൾ സൃഷ്ടിക്കുന്ന രോഗങ്ങൾ വർധിക്കുകയാണെന്നാണ് പഠനങ്ങൾ വ്യക്തമാക്കുന്നത്. വിശപ്പിന്റെയും പട്ടിണിയുടെയും ദാരിദ്ര്യത്തിന്റെയും ദയനീയമുഖം ലോകത്തിനുമുന്നിൽ കൊണ്ടുവരുക, ഭക്ഷ്യപ്രതിസന്ധിക്കും വിശപ്പിനുമെതിരായ പോരാട്ടത്തിൽ രാജ്യാന്തര സഹകരണം ഉറപ്പുവരുത്തുക, അന്തർദേശീയതലത്തിൽ കാർഷിക വളർച്ചയ്‌ക്ക് പ്രാധാന്യവും പ്രോത്സാഹനവും നൽകുക എന്നിവയാണ് ദിനാചരണത്തിന്റെ ലക്ഷ്യങ്ങൾ. . . . .

< സിറിയയിൽ സ്‌ഫോടനത്തിൽ വാഹനം തകർന്ന് രണ്ട് തുർക്കി സൈനികർ മരിച്ചു; അഞ്ച് പേർക്ക് പരിക്ക്

ദമാസ്‌കസ്: സിറിയയിലെ ഇഡ്ലിബ് പ്രവിശ്യയിലണ്ടായ സ്ഫോടനത്തിൽ രണ്ട് തുർക്കിഷ് സൈനികർ കൊല്ലപ്പെടുകയും അഞ്ച് പേർക്ക് പരിക്കേൽക്കുകയും ചെയ്തു. സൈനികർ സഞ്ചരിച്ച വാഹനവ്യൂഹം സ്‌ഫോടനത്തിൽ തകരുകയായിരുന്നു. സിറിയയുടെ ഔദ്യോഗിക മാദ്ധ്യമമായ അൽ ഇക്ബരിയയാണ് വാർത്ത പുറത്തുവിട്ടത്. ഇഡ്ലിബ് പ്രവിശ്യയായ മാരറത്ത് മിസ്രിനിലാണ് സ്‌ഫോടനമുണ്ടായത്. സിറിയൻ ഭരണകൂടത്തിന്റെ നിയന്ത്രണമില്ലാത്ത പ്രവിശ്യയാണ് ഇഡ്‌ലിബ്. സിറിയയിൽ സർക്കാരും വിമതരും തമ്മിലുളള വെടിനിർത്തലിന് മധ്യസ്ഥം വഹിക്കുന്ന രാജ്യമാണ് തുർക്കി. പ്രദേശത്തെ കുർദിഷ് സേനയെ നേരിടാനും, സിറിയൻ സർക്കാർ സൈന്യത്തിൽ നിന്ന് വിവിധ തീവ്രവാദ ഗ്രൂപ്പുകളെ സംരക്ഷിക്കാനും വേണ്ടിയാണ് ഇഡ്‌ലിബിൽ തുർക്കി സൈനികരെ വിന്യസിച്ചിരിക്കുന്നത്. ഇഡ്ലിബിലെ തുർക്കിയുടെ സൈനിക സാന്നിധ്യം തങ്ങളുടെ പരമാധികാരത്തിന് നേരെയുളള കടന്നുകയറ്റമായാണ് സിറിയൻ സർക്കാർ കണക്കാക്കുന്നത്. .

ജയലളിതയുടെ സ്മൃതികുടീരത്തിന് മുന്നിൽ ശശികല

ചെന്നൈ: മുൻ മുഖ്യമന്ത്രി ജയലളിതയുടെ സ്മൃതികുടീരത്തിന് മുന്നിൽ വിതുമ്പി എഐഎഡിഎംകെ മുൻ ജനറൽ സെക്രട്ടറിയും ജയലളിതയുടെ തോഴിയുമായ വി.എ ശശികല. ജയിൽ ശിക്ഷ കഴിഞ്ഞുള്ള ശശികലയുടെ ആദ്യ സന്ദർശനമാണിത്. രാഷ്‌ട്രീയത്തിൽ വീണ്ടും സജീവമാകുന്നതിന്റെ ഭാഗമായാണ് സ്മാരകത്തിൽ ശശികല സന്ദർശനം നടത്തിയത്. ശശികലയെ സ്വീകരിക്കാനായി ആയിരങ്ങളാണ് തടിച്ചുകൂടിയത്. പാർട്ടിയിലെ ആഭ്യന്തര കലഹമാണ് നിലപാട് മാറ്റത്തിന് പിന്നിലെന്നാണ് ശശികല പറയുന്നത്. ഫെബ്രുവരി എട്ടിനാണ് ശശികല ബംഗളൂരുവിലെ പരപ്പന അഗ്രഹാര സെൻട്രൽ ജയിലിൽ നിന്ന് മോചിതയായത്. ശശികലയുടെ തിരിച്ചുവരവ് തമിഴ്‌നാട് രാഷ്‌ട്രീയത്തിൽ വലിയ ചലനങ്ങൾ ഉണ്ടാക്കുമെന്നായിരുന്നു പലരും കരുതിയത്. എന്നാൽ സജീവ രാഷ്‌ട്രീയത്തിൽ നിന്ന് പിന്മാറുമെന്ന് മാർച്ച് 3 ന് ശശികല പ്രഖ്യാപിച്ചിരുന്നു. ജയിൽ മോചിതയായ ശേഷം പാർട്ടിയുടെ തകർച്ച കണ്ടുനിൽക്കാനാകില്ലെന്നും ഉടൻ രാഷ്‌ട്രീയത്തിലേക്ക് മടങ്ങിവരുമെന്നും ശശികല സൂചന നൽകിയിരുന്നു. ‘പാർട്ടിയെ നേരായ വഴിയ്‌ക്ക് നടത്താൻ ഞാൻ ഉടനെത്തും. പാർട്ടിയുടെ തകർച്ച എനിക്ക് കണ്ട് നിൽക്കാനാവില്ല. എല്ലാവരേയും ഒരുമിച്ച് നിർത്തുക എന്നതാണ് പാർട്ടിയുടെ നയം. നമുക്ക് ഒരുമിക്കാം’ എന്നാണ് ശശികല അനുയായികളോട് ഔദ്യോഗികമായി അവസാനം പറഞ്ഞത്.

പെൺകുട്ടികളെ ശല്യം ചെയ്ത യുവാവ് പോലീസ് പിടിയിൽ

ചെന്നൈ: നൂറോളം പെൺകുട്ടികളെ ശല്യം ചെയ്ത യുവാവ് പോലീസ് പിടിയിൽ. 21 കാരനായ ദിനേശ് കുമാറാണ് പിടിയിലായത്. പ്രതി ഓടിച്ചിരുന്ന വണ്ടിയുടെ രജിസ്‌ട്രേഷൻ നമ്പർ വഴിയാണ് ഇയാളെ പിടികൂടിയത്. സൈനിക ഉദ്യോഗസ്ഥന്റെ മകളെ ശല്യചെയ്യുന്നതിനിയിൽ വണ്ടിയുടെ രജിസ്‌ട്രേഷൻ നമ്പർ പിതാവ് മൊബൈലിൽ പകർത്തി പോലീസിന് കൈമാറുകയായിരുന്നു. അതിരാവിലേയും വൈകുന്നേരങ്ങളിലും പോകുന്ന പെൺകുട്ടികളെയും സ്ത്രികളെയുമാണ് ഇയാൾ പ്രധാനമായും ലക്ഷ്യമിടുന്നത്. കഴിഞ്ഞ ദിവസമാണ് പെൺകുട്ടി തന്റെ സഹോദരിക്കും സൈനിക ഉദ്യോഗസ്ഥനായിരുന്ന അച്ഛനുമൊപ്പം പുറത്ത് പോയിരുന്നത്. ജോലിയ്‌ക്ക് പോവുകയായിരുന്ന ദിനേഷ് ഈ പെൺകുട്ടിയെ ലക്ഷ്യമിട്ട് ഇവ പിൻതുടർന്നിരുന്നു. പെട്ടെന്ന് തന്നെ ഇയാൾ പെൺകുട്ടിയെ പിറകിലോട്ട് പിടിച്ച് വലിച്ചിഴയ്‌ക്കുകയായിരുന്നു. പെൺകുട്ടിയുടെ പിതാവ് പിടികൂടാൻ ശ്രമിച്ചെങ്കിലും ഇയാൾ വാഹനത്തിൽ കയറി രക്ഷപ്പെട്ടു.എന്നാൽ ഉടൻ തന്നെ വാഹനത്തിന്റെ രജിസ്‌ട്രേഷൻ നമ്പർ രേഖപ്പെടുത്തി പിതാവ് പോലീസിൽ പരാതി നൽകി. ഇരുചക്ര വാഹനങ്ങളുടെ രജിസ്‌ട്രേഷൻ നമ്പർ സിസിടിവി ദൃശ്യങ്ങളിലൂടെ പോലീസ് ട്രാക്ക് ചെയ്തു. പീന്നിട് പ്രതി ഒരു ഹോട്ടലിനുള്ളിൽ കയറുന്നതും സിസിടിവിയിൽ പതിഞ്ഞു. ഉടൻ തന്നെ പോലീസ് സ്ഥലത്തെത്തി ഇയാളെ അറസ്റ്റു ചെയ്യുകയായിരുന്നു.100 ഓളം സ്ത്രീകളോട് ഇയാൾ മോശമായി പെരുമാറിയിട്ടുണ്ടെന്ന് സമ്മതിച്ചതായി റിപ്പോർട്ടിൽ പറയുന്നു. ഇയാൾക്കെതിരെ മറ്റ് കേസുകൾ നിലവിലുണ്ടോ എന്നറിയാൻ വിശദാംശങ്ങൾ മറ്റ് പോലീസ് സ്റ്റേഷനുകളിലെ പോലീസ് ഉദ്യോഗസ്ഥരുമായി പങ്കുവെച്ചിട്ടുണ്ടെന്നും ഉദ്യോഗസ്ഥർ വ്യക്തമാക്കി.

ബോളിവുഡ് നടി ജാക്വിലിൻ ഫെർണാണ്ടസ് മൂന്നാം തവണയും ഇഡിയ്‌ക്ക് മുന്നിൽ ഹാജരായില്ല

മുംബൈ: കളളപ്പണം വെളുപ്പിക്കൽ കേസുമായി ബന്ധപ്പെട്ട് ബോളിവുഡ് നടി ജാക്വിലിൻ ഫെർണാണ്ടസ് ഇ.ഡിയ്‌ക്ക് മുമ്പാക്കേ ഹാജരായില്ല.തുടർച്ചയായി മൂന്നാം തവണെയാണ് നടി ചോദ്യം ചെയ്യൽ ഒഴിവാക്കുന്നത്. അടുത്ത മാസം ആദ്യവാരം വരെ ചോദ്യം ചെയ്യൽ നീട്ടിവയ്‌ക്കണമെന്ന് താരം ഉദ്യോഗസ്ഥരോട് ആവശ്യപ്പെട്ടിരുന്നു. ഓഗസ്റ്റ് സെപ്തംബർ മാസങ്ങളിൽ ഇ.ഡി ജാക്വിലിൻ ഫെർണാണ്ടസിന്റെ മൊഴി രേഖപ്പെടുത്തിയിരുന്നു. ഇ.ഡിക്ക് മുൻപാകെ വീണ്ടും ഹാജരാകണമെന്നാണ് ജാക്വിലിന് നിർദ്ദേശം നൽകിയിരിക്കുന്നത്. തട്ടിപ്പുകാരൻ സുകേഷ് ചന്ദ്രശേഖറിനെതിരെയുള്ള കള്ളപ്പണം വെളുപ്പിക്കൽ കേസുമായി ബന്ധപ്പെട്ട് ബോളിവുഡ് താരങ്ങളായ ജാക്വിലിൻ ഫെർണാണ്ടസിനേയും നോറ ഫത്തേഹിയേയും ചോദ്യം ചെയ്യുന്നതിനായി എൻഫോഴ്സ്മെന്റ് ഡയറക്ടറേറ്റ് വിളിപ്പിച്ചിരുന്നു. 200 കോടി രൂപ തട്ടിയെടുത്തെന്നാണ് ഇയാൾക്കെതിരായ പ്രധാന പരാതി.സുകേഷ് ചന്ദ്രശേഖറുമായി നോറ ഫത്തേഹിക്കും, ജാക്വിലിൻ ഫെർണാണ്ടസിനും ഏതെങ്കിലും രീതിയിലുള്ള പണമിടപാടുകൾ ഉണ്ടോ എന്നാണ് ഇ.ഡി പ്രധാനമായും അന്വേഷിക്കുന്നത്. സുകേഷ് ചന്ദ്രശേഖറും ഭാര്യ ലീനയും മറ്റ് ആറ് പേരും ഇഡിയുടെ കസ്റ്റഡിയിലാണ്. .

ചെന്നെ ‘കിങ്സ്’; കൊൽക്കത്തയെ 27 റണ്ണിന് തോൽപ്പിച്ചു

ദുബായ്‌: ഐപിഎൽ ട്വന്റി–-20 ക്രിക്കറ്റ്‌ കിരീടം ചെന്നൈ സൂപ്പർ കിങ്‌സിന്‌. ഫൈനലിൽ കൊൽക്കത്ത നൈറ്റ്‌റൈഡേഴ്‌സിനെ 27 റണ്ണിന്‌ തോൽപ്പിച്ചു. സ്‌കോർ: ചെന്നൈ 3–-192, കൊൽക്കത്ത 9–-165. ഒമ്പതുതവണ ഫൈനലിൽ കടന്ന ചെന്നൈയുടെ നാലാം കിരീടമാണ്‌. 2018ലും 2011ലും 2010ലും ചാമ്പ്യൻമാരായിട്ടുണ്ട്‌. ദക്ഷിണാഫ്രിക്കൻ ഓപ്പണർ ഫാഫ്‌ ഡു പ്ലെസിസിന്റെ തകർപ്പൻ ബാറ്റിങ്ങാണ്‌ ചെന്നൈയുടെ വിജയത്തിന്‌ അടിത്തറയിട്ടത്. ഡു പ്ലെസിസ്‌ 59 പന്തിൽ 86 റണ്ണടിച്ചു. ഏഴ്‌ ഫോറും മൂന്ന്‌ സിക്‌സറും അകമ്പടിയായി. ജയിക്കാൻ വേണ്ട 193 റണ്ണിലേക്ക്‌ ഗംഭീരമായാണ്‌ കൊൽക്കത്ത തുടങ്ങിയത്‌. ഓപ്പണർമാരായ വെങ്കിടേഷ്‌ അയ്യരും (32 പന്തിൽ 50) ശുഭ്‌മാൻ ഗില്ലും (43 പന്തിൽ 51) മികച്ച തുടക്കം നൽകി. ഇവർ 10.4 ഓവറിൽ 91 റണ്ണടിച്ചെങ്കിലും തുടർച്ചയുണ്ടായില്ല. നിതീഷ്‌ റാണ (0), സുനിൽ നരെയ്‌ൻ (2), ദിനേശ്‌ കാർത്തിക് (9), ഷാക്കിബ്‌ അൽ ഹസ്സൻ (0), രാഹുൽ ത്രിപാഠി (2) എന്നിവരെല്ലാം വേഗം മടങ്ങി. ക്യാപ്‌റ്റൻ ഇയോവിൻ മോർഗനും (4) ഒന്നും ചെയ്യാനായില്ല. ഫെർഗൂസനും (18*) ശിവം മാവിയും (20) തോൽവിഭാരം കുറച്ചു. ചെന്നൈക്കായി രവീന്ദ്ര ജഡേജ രണ്ട്‌ വിക്കറ്റും രണ്ട്‌ ക്യാച്ചുമെടുത്തു. ശർദുൾ താക്കൂറിന്‌ മൂന്ന്‌ വിക്കറ്റുണ്ട്‌.

കൽക്കരി പ്രതിസന്ധി: കേരളത്തോട്‌ വൈദ്യുതി ആവശ്യപ്പെട്ട്‌ കേന്ദ്രം

തിരുവനന്തപുരം: കൽക്കരി ക്ഷാമത്തെ തുടർന്ന്‌ രാജ്യത്തുണ്ടായ വൈദ്യുതി പ്രതിസന്ധി മറികടക്കാൻ സംസ്ഥാനത്തിന്റെ സഹായം തേടി കേന്ദ്രസർക്കാർ. ജലവൈദ്യുത നിലയങ്ങളിൽനിന്നുള്ള ഉൽപ്പാദനം കൂട്ടി കേന്ദ്ര പൂളിലേക്ക്‌ നൽകണമെന്ന്‌ അഭ്യർഥിച്ച്‌ കേന്ദ്ര ഊർജ മന്ത്രാലയം സംസ്ഥാനത്തിന്‌ കത്തയച്ചു. ഇതിനായി നിലയങ്ങളിലെ അറ്റകുറ്റപ്പണികൾപോലും ഒഴിവാക്കണമെന്നും അഭ്യർഥിച്ചു. വൈദ്യുതി ഉപയോഗം കുറവായ രാവിലെ എട്ടുമുതൽ വൈകിട്ട്‌ ആറുവരെ ഇടുക്കി ഉൾപ്പെടെയുള്ള നിലയങ്ങളിലെ ഉൽപ്പാദനം പരമാവധി കൂട്ടി കേന്ദ്രത്തിന്‌ നൽകണം. 31വരെയാണ് നൽകേണ്ടത്. സംസ്ഥാനത്ത്‌ ആവശ്യമുള്ളതിന്റെ 30 ശതമാനം വൈദ്യുതിയാണ്‌ ആഭ്യന്തരമായി ഉൽപ്പാദിപ്പിക്കുന്നത്‌. ശേഷിക്കുന്നത്‌ പുറത്തുനിന്നാണ്‌. ഇത്തരമൊരു സംസ്ഥാനത്തുനിന്നുപോലും വൈദ്യുതി ആവശ്യപ്പെടുന്നത്‌ രാജ്യം അഭിമുഖീകരിക്കുന്ന ഊർജ പ്രതിസന്ധിയുടെ ആഴം വ്യക്തമാക്കുന്നു. കേന്ദ്ര ഊർജ സെക്രട്ടറിയാണ്‌ സംസ്ഥാന ചീഫ്‌ സെക്രട്ടറിക്ക്‌ കത്തയച്ചത്‌. കേരളം ശനിയാഴ്ച മറുപടി നൽകിയേക്കും. നിലവിലെ ജലലഭ്യതയ്‌ക്കനുസൃതമായി സംസ്ഥാനത്തിന്‌ അധികമായി ഉൽപ്പാദിപ്പിക്കാനാകുന്ന വൈദ്യുതി, ഇതിന്‌ ലഭിക്കുന്ന വില, വേനൽക്കാലത്തെ ഉൽപ്പാദനത്തിനായി കരുതേണ്ട ജലത്തിന്റെ അളവ്‌ എന്നിവയെ അടിസ്ഥാനമാക്കിയായിരിക്കും മറുപടി. .

പ്രായപൂര്‍ത്തിയാകാത്ത പെണ്‍കുട്ടിയെ ആക്രമിക്കാന്‍ ശ്രമം; അസം സ്വദേശി അറസ്റ്റില്‍

പ്രായപൂര്‍ത്തിയാകാത്ത പെണ്‍കുട്ടിയെ ആക്രമിക്കാന്‍ ശ്രമം; അസം സ്വദേശി അറസ്റ്റില്‍ പ്രായപൂര്‍ത്തിയാകാത്ത പെണ്‍കുട്ടിയെ ആക്രമിക്കാന്‍ ശ്രമിച്ച സംഭവത്തിൽ അസം സ്വദേശിയെ പൊലീസ് അറസ്റ്റ് ചെയ്തു.തിരുവനന്തപുരം തൈക്കാട് ആശുപത്രിക്ക് സമീപമാണ് സംഭവം. അസം സ്വദേശിയായ ജോണി കച്ചോബിനെയാണ് തമ്പാനൂർ പൊലീസ് അറസ്റ്റ് ചെയ്തത്. ആശുപത്രിക്ക് സമീപം വാഹനം പാർക്ക് ചെയ്ത സമയത്താണ് പ്രതി വാഹനത്തിനുള്ളില്‍ ഇരുന്ന പെണ്‍കുട്ടിയെ ഉപദ്രവിക്കാന്‍ ശ്രമിച്ചത്. തുടര്‍ന്ന് വിവരമറിഞ്ഞ് സ്ഥലത്തെത്തിയ പൊലീസ് ഇയാളെ കസ്റ്റഡിയിലെടുക്കുകയായിരുന്നു. പ്രതിയ്ക്കെതിരെ പോക്‌സോ ആക്‌ട് ഉള്‍പ്പെടെയുളള വകുപ്പുകള്‍ ചുമത്തിയാണ് കേസെടുത്തിരിക്കുന്നത്. പ്രതി മാനസികാസ്വാസ്ഥ്യം പ്രകടപ്പിക്കുന്നതിനാല്‍ റിമാന്‍ഡ് നടപടികള്‍ക്ക് ശേഷം ഇയാളെ പേരൂര്‍ക്കട മാനസികാരോഗ്യ കേന്ദ്രത്തില്‍ പ്രവേശിപ്പിച്ചു.


അഭിമാനാർഹമായ നേട്ടം

ലോകത്തിന് തലയുയർത്തി നിൽക്കാനുള്ള നേട്ടമാണ് രാജ്യം കൈവരിച്ചിരിക്കുന്നത്. കോവിഡിന് മുന്നിൽ പിടിച്ചു നിൽക്കാനുള്ള............

.

ക്രിക്കറ്റിലെ ഇന്ത്യൻ വിജയം

കഴിഞ്ഞ ദിവസം ഇന്ത്യൻ ക്രിക്കറ്റ് സേന ലോക സ്പോർട്സ് ഭൂപടത്തിൽ ............

അമേരിക്കയിൽ ഭരണ മാറ്റം

അമേരിക്കയിൽ ജോ ബൈഡന്റെ സ്ഥാനാരോഹണത്തോടെ ഒരു പുതു യുഗത്തിന് തുടക്കം

അഴിമതി ഉദ്യോഗസ്ഥരുടെ കടയ്ക്കൽ കത്തിവയ്ക്കുന്ന തീരുമാനം

നിശ്ചിത പരിധിവരെ കെട്ടിടനിർമാണത്തിൻറെ പെർമിറ്റ് സമ്പ്രദായം അവസാനിപ്പിക്കാൻ സർക്കാർ തീരുമാനിച്ചത് അത്യന്തം സ്വാഹതാർഹമാണ്. ....