അഞ്ചു വർഷത്തിനുള്ളിൽ ഭൂരഹിതരായ മുഴുവൻ പേർക്കും ഭൂമിയും വീടും ഉറപ്പാക്കും: മുഖ്യമന്ത്രി

മീറ്റ് ദ ഇൻവെസ്റ്റർ പരിപാടിയുമായി വ്യവസായ മന്ത്രി

സന്തോഷം അളക്കുന്ന യന്ത്രം കണ്ടുപിടിച്ച് കുസാറ്റ് ഗവേഷക

+

ടെലികോം മേഖലയിൽ നൂറ് ശതമാനം വിദേശ നിക്ഷേപo

മയക്കുമരുന്നുകളുമായി ടെക്‌നോപാർക്ക്‌ ജീവനക്കാരടക്കം 3 പേർ പിടിയിൽ

തിരുവനന്തപുരം: മയക്കുമരുന്നുകളുമായി യുവതിയും യുവാക്കളും അറസ്റ്റില്‍ . ടെക്‌നോപാര്‍ക്കിലെ ഐടി ജീവനക്കാരും തിരുവനന്തപുരം സ്വദേശികളുമായ യദുകൃഷ്ണന്‍ (25), ശ്രുതി എസ് എന്‍ (25) എന്നിവരും കോഴിക്കോട് സ്വദേശി പി ടി നൗഷാദുമാണ്‌ പിടിയിലായത്. വിപണിയില്‍ പത്ത് ലക്ഷത്തോളം രൂപ വിലവരുന്ന നൂറുഗ്രാം എംഡിഎംഎ മയക്കുമരുന്നുമായാണ് മൂവര്‍ സംഘം പിടിയിലായത്. കേരള-കര്‍ണാടക അതിര്‍ത്തിയിലെ ബാവലി ചെക്ക് പോസ്റ്റില്‍ എക്സൈസ് സംഘം നടത്തിയ പരിശോധനയിലാണ് മയക്കുമരുന്ന് കണ്ടെത്തിയത്. ഇവര്‍ സഞ്ചരിച്ച മാരുതി കാറും കസ്റ്റഡിയിലെടുത്തു. . .

സോളാർ കേസിലെ ലൈംഗിക പീഡന പരാതി; കെ സി വേണുഗോപാലിനെതിരായ തെളിവുകള്‍ സിബിഐയ്ക്ക് കൈമാറി

സോളാർ കേസിലെ ലൈംഗിക പീഡന പരാതിയിൽ കെ സി വേണുഗോപാലിനെതിരായ ഡിജിറ്റൽ തെളിവുകൾ പരാതിക്കാരി സിബിഐക്ക് കൈമാറി. പീഡനം നടന്നു എന്നാരോപിക്കുന്ന ദിവസത്തെ ദൃശ്യങ്ങളാണ് പരാതിക്കാരി കൈമാറിയത്. മന്ത്രി അനില്‍കുമാറിന്‍റെ വസതിയായിരുന്ന റോസ് ഹൗസിലെ ദൃശ്യങ്ങളാണ് കൈമാറിയതെന്ന് പരാതിക്കാരി പറഞ്ഞു. പീഡനം നടന്നതിന്‍റെ പിറ്റേ ദിവസം തൃശ്ശൂരിലെ സ്വകാര്യ ആശുപത്രിയിൽ ചികിത്സ തേടിയ രേഖകളും കൈമാറി. സോളാർ കേസിലെ ലൈംഗിക പീഡന പരാതിയിൽ കഴിഞ്ഞ ദിവസം മൊഴിയെടുപ്പ് നടന്നിരുന്നു. ഇതോടെ പരാതിയിൽ കെസി വേണുഗോപാലിനെതിരായ മൊഴിയെടുപ്പ് പൂര്‍ത്തിയായി. ഉമ്മൻചാണ്ടി, ഹൈബി ഈഡൻ എന്നിവർക്കെതിരായ കേസുകളിലെ മൊഴിയെടുപ്പും ആരംഭിച്ചിട്ടുണ്ട്. ഇവര്‍ക്കെതിരേയും തെളിവുകള്‍ സമര്‍പ്പിക്കുമെന്ന് പരാതിക്കാരി വ്യക്തമാക്കി. . . .

.

വീണാ ജോർജിനെതിരെ എല്‍.ഡി.എഫില്‍ വിമര്‍ശനം

ആരോഗ്യമന്ത്രി വീണാ ജോർജിന് പത്തനംതിട്ട സിപിഎമ്മിലും എൽഡിഎഫിലും വിമർശനം. പത്തനംതിട്ട സൗത്ത്, നോർത്ത് ലോക്കല്‍ കമ്മിറ്റികളിലും എല്‍ഡിഎഫ് മുനിസിപ്പല്‍ കമ്മിറ്റികളിലുമാണ് വിമർശനം ഉയർന്നത്. വികസന പ്രശ്നങ്ങള്‍ മുഖ്യമന്ത്രിയെ അറിയിക്കാന്‍ എല്‍ഡിഎഫ് മണ്ഡലം കമ്മിറ്റി പ്രത്യേക സമിതിയെ നിയോഗിച്ചു. പാര്‍ട്ടി നേതാക്കള്‍ പോലും വിളിച്ചാല്‍ മന്ത്രിയെ ഫോണില്‍ ലഭിക്കാറില്ലെന്നാണ് പ്രധാന വിമർശനം. മന്ത്രി പങ്കെടുക്കുന്ന സര്‍ക്കാര്‍ പരിപാടികളില്‍ നിന്നും സിപിഎം നേതാക്കളെ ഒഴിവാക്കുകയാണ്. പത്തനംതിട്ട നഗരസഭയിലെ വികസ പ്രവര്‍ത്തനങ്ങളോട് വീണ ജോര്‍ജ് മുഖം തിരിഞ്ഞ് നില്‍ക്കുന്നുവെന്നും വിമർശനമുയർന്നു. പത്തനംതിട്ട സൗത്ത്, നോർത്ത് ലോക്കല്‍ കമ്മിറ്റികളിലാണ് എതിർപ്പുയർന്നത്. ഈ മാസം ആദ്യം ചേർന്ന പത്തനംതിട്ട എല്‍.ഡി.എഫ് മുനിസിപ്പല്‍ കമ്മറ്റിയിലും വീണക്കെതിരെ സമാന വിമർശനം ഉയർന്നിരുന്നു. സിപിഐ, സിപിഎം നേതാക്കള്‍ക്ക് പുറമെ മറ്റ് ഘടക കക്ഷികളും മന്ത്രിക്കെതിരെ വിമര്‍ശനം ഉന്നയിച്ചു. ഇതിന് പിന്നാലെ വികസന കാര്യങ്ങള്‍ മുഖ്യമന്ത്രിയെ അറിയിക്കാന്‍ എല്‍.ഡി.എഫ് മുനിസിപ്പല്‍ കമ്മറ്റി പ്രത്യേക സമിതി രൂപീകരിച്ചു. സമിതി അംഗങ്ങള്‍ വരും ദിവസങ്ങളില്‍ മുഖ്യമന്ത്രിയെ നേരില്‍ കാണും. .

'ക്രിസ്ത്യാനികളുടെ നിലപാടല്ല': പാലാ ബിഷപ്പിന്റെ പ്രസ്താവനക്കെതിരെ ഫാദർ പോൾ തേലക്കാട്

പാലാ ബിഷപ്പിൻറെ വിദ്വേഷ പ്രസംഗത്തിനെതിരെ സീറോമലബാർ സഭ മുൻ വക്താവ് ഫാദർ പോൾ തേലക്കാട്ട്. ബിഷപ്പിന്‍റെ പ്രസ്താവന ക്രിസ്ത്യാനികളുടെ നിലപാടല്ല. സൗഹൃദത്തിന്‍റെ ഭാഷക്ക് പകരം തർക്ക യുദ്ധത്തിനാണ് മെത്രാൻ തയാറായതെന്നും മംഗളം പത്രത്തിലെഴുതിയ ലേഖനത്തിൽ പോൾ തേലക്കാട്ട്‌‌‌‌‌ വിമർശിച്ചു. മതസ്പർദ്ധ വളർത്താൻ ചില കേന്ദ്രങ്ങളിൽനിന്ന് പ്രസ്താവന ഉണ്ടായെന്ന് സിഎസ്ഐ സഭയും അറിയിച്ചു. ഒരു മെത്രാന്‍റെ സമുദായസ്നേഹം എന്ന തലക്കെട്ടിൽ 'മംഗളം' പത്രത്തിലെഴുതിയ ലേഖനത്തിലാണ് സീറോ മലബാർ സഭ മുൻ വക്താവ് ഫാ.പോൾ തേലക്കാട്ട് പാലാ ബിഷപ്പിനെതിരെ നിശിത വിമർശനം ഉയർത്തിയത്. കേരളത്തിൽ നർക്കോട്ടിക് ജിഹാദ് ഉണ്ടെന്ന പാലാ ബിഷപ്പിന്‍റെ പ്രസ്താവന കേരളത്തിലെ ക്രിസ്ത്യാനികളുടെ നിലപാടല്ലെന്ന് പോൾ തേലക്കാട്ട് പറഞ്ഞു. ആരോപണം സത്യമാണെങ്കിൽ അതിൽ നടപടിയെടുപ്പിക്കാനുളള സ്വാധീനം ബിഷപ്പിനുണ്ട്. സഭാധ്യക്ഷൻ സമുദായ നേതാവായി ചുരുങ്ങി. വേണ്ടത്ര ചിന്തയില്ലാതെയാണ് പാലാ ബിഷപ്പിന്‍റെ പ്രസ്താവനയെന്നും പോൾ തേലക്കാട്ട് കുറ്റപ്പെടുത്തി. മെത്രാൻ പിന്തുടരേണ്ടത് മാർപ്പാപ്പയെയാണ്. എന്നാൽ രണ്ടാം കുരിശുയുദ്ധം മുസ്ലീംങ്ങൾക്കെതിരെയാണെന്നു പറഞ്ഞ ക്ലെയര്‍വോയിലെ ബർണാദിന പിന്തുടരുന്നവരുടെ പ്രലോഭനത്തിൽ കേരളത്തിലെ മെത്രാനും പെട്ടു. സ്വന്തം ചിന്തയില്‍ നിന്ന് അന്യനെ ഒഴിവാക്കുമ്പോള്‍ മൗലികവാദം ആരംഭിക്കുന്നുവെന്നും ലേഖനത്തിൽ തേലക്കാട്ട് ചൂണ്ടിക്കാട്ടുന്നു. .

വിധവകൾക്കുള്ള വീടുകളുടെ അറ്റകുറ്റപ്പണിക്ക് സഹായ നിബന്ധനകളിൽ ഇളവ്

ന്യൂനപക്ഷക്ഷേമ വകുപ്പ് മുസ്ലീം, ക്രിസ്ത്യൻ, ബുദ്ധ, സിഖ്, പാഴ്‌സി, ജൈൻ ന്യൂനപക്ഷ മതവിഭാഗത്തിൽപ്പെടുന്ന വിധവകൾ, വിവാഹ ബന്ധം വേർപ്പെട്ടവർ, ഉപേക്ഷിക്കപ്പെട്ടവർ എന്നിവർക്ക് ഇമ്പിച്ചി ബാവ ഭവന പുനരുദ്ധാരണ പദ്ധതിയിൽ ഉള്ള വീടുകൾ അറ്റകുറ്റപ്പണി നടത്തി വാസയോഗ്യമാക്കുന്നതിനു സഹായധനമായ അമ്പതിനായിരം രൂപ ലഭിക്കുന്നതിനുള്ള നിബന്ധനകളിൽ ഇളവ് വരുത്തി. വീടിന്റെ വിസ്തീർണ്ണം 1200 ചതുരശ്ര അടിയിൽ കുറവാണ് എന്ന് സാക്ഷ്യപ്പെടുത്തുന്നതിന,് വില്ലേജ് ഓഫീസർ/ തദ്ദേശ സ്വയംഭരണ സ്ഥാപനത്തിന്റെ അസിസ്റ്റന്റ് എൻജിനിയർ/ ബന്ധപ്പെട്ട അധികാരികൾ എന്നിവരിൽ ആരുടെയെങ്കിലും സാക്ഷ്യപത്രം മതി. മറ്റു വകുപ്പുകളിൽ നിന്നോ സമാന ഏജൻസികളിൽ നിന്നോ അപേക്ഷകയ്ക്ക് ഭവന പുനരുദ്ധാരണത്തിനും 10 വർഷത്തിനുള്ളിൽ ഭവന നിർമ്മാണത്തിനും അനുകൂല്യം ലഭിച്ചിട്ടില്ലെന്ന് തെളിയിക്കുന്ന സർട്ടിഫിക്കറ്റ് ബന്ധപ്പെട്ട വില്ലേജ് എക്സ്റ്റൻഷൻ ഓഫീസർ/ പഞ്ചായത്ത് സെക്രട്ടറി/ ബന്ധപ്പെട്ട മറ്റു ഉദ്യോഗസ്ഥർ എന്നിവരുടെ പക്കൽ നിന്നും വാങ്ങി ഹാജരാക്കണം. അപേക്ഷകൾ അതാത് ജില്ലാ കളക്ടറേറ്റിൽ സെപ്റ്റംബർ 30 വരെ സ്വീകരിക്കും

15,876 പേർക്ക് കോവിഡ് 129 മരണം 25654 രോഗമുക്തി 14,959 സമ്പർക്കം വഴി

സൗജന്യ പി.എസ്.സി മത്സര പരീക്ഷ പരിശീലനം

കേരള പബ്ലിക്ക് സർവ്വീസ് കമ്മീഷൻ നടത്തുന്ന പരീക്ഷയ്ക്ക് ഉദ്യോഗാർത്ഥികളെ സജ്ജമാക്കുന്നതിനായി പി.എം.ജി ജംഗ്ഷനിലെ കേരള യൂണിവേഴ്‌സിറ്റി സ്റ്റുഡന്റ്‌സ് സെന്റിൽ പ്രവർത്തിക്കുന്ന യൂണിവേഴ്‌സിറ്റി എംപ്‌ളോയ്‌മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോ ഒക്‌റ്റോബർ മുതൽ സൗജന്യ പി.എസ്.സി മത്സര പരീക്ഷ പരിശീലന പരിപാടി ഓൺലൈനായി സംഘടിപ്പിക്കും. താല്പര്യമുള്ള ഉദ്യോഗാർത്ഥികൾ പേര് രജിസ്റ്റർ ചെയ്യണം. കൂടുതൽ വിവരങ്ങൾക്ക്: യൂണിവേഴ്‌സിറ്റി എംപ്‌ളോയ്‌മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോ, സ്റ്റുഡൻസ് സെന്റർ, പി.എം.ജി ജംഗ്ഷൻ, തിരുവനന്തപുരം. ഫോൺ: 0471-2304577, 9895456059,

കോണ്‍ഗ്രസ് വിട്ട് ആര് പോയാലും ഒരു 'ചുക്കും സംഭവിക്കില്ല': വിഡി സതീശന്‍

കെപി അനില്‍കുമാര്‍ പാര്‍ട്ടിവിട്ടുപോയതില്‍ പ്രതികരണവുമായി പ്രതിപക്ഷ നേതാവ് വിഡി സതീശന്‍. അനില്‍കുമാര്‍ പാര്‍ട്ടി വിട്ടുപോയത് വലിയ ആഘോഷമാക്കേണ്ടെന്നും നിരവധി നേതാക്കള്‍ സിപിഎമ്മും സിപിഐയും വിട്ട് കോണ്‍ഗ്രസിലെത്തിയിട്ടുണ്ടെന്നും അദ്ദേഹം വ്യക്തമാക്കി. അനില്‍കുമാര്‍ അല്ല, ഏത് നേതാവ് കോണ്‍ഗ്രസ് വിട്ട് പോയാലും കോണ്‍ഗ്രസിന് ഒരു ചുക്കും സംഭവിക്കില്ലെന്ന് അദ്ദേഹം കൂട്ടിച്ചേര്‍ത്തു. കോണ്‍ഗ്രസിനെ കുറ്റപ്പെടുത്തി രംഗത്തെത്തിയ അനില്‍കുമാറിനെ പോലെയുള്ള നേതാക്കള്‍ നിരവധി അവസരം ലഭിച്ചവരാണെന്നും ഇതുവരെ ഒരു അവസരം പോലും ലഭിക്കാത്ത നിരവധി പ്രവര്‍ത്തകര്‍ കോണ്‍ഗ്രസ് പാര്‍ട്ടിക്കുള്ളിലുണ്ടെന്നും വിഡി സതീശന്‍ പറഞ്ഞു. പാര്‍ട്ടി വിശദീകരണത്തിന് ധിക്കാരപരമായിരുന്നു അനില്‍കുമാറിന്റെ മറുപടി. അനില്‍കുമാര്‍ പറഞ്ഞത് ഒരിക്കലും അംഗീകരിക്കാന്‍ സാധിക്കാത്തതാണ്. അച്ചടക്ക നടപടി സ്വീകരിച്ചത് കെപിസിസി അധ്യക്ഷനാണെന്നും വിഡി സതീശന്‍ മാധ്യമങ്ങളോട് വ്യക്തമാക്കി. ഒരു പാര്‍ട്ടി എന്നതിനപ്പുറത്ത് ആള്‍കൂട്ടമായി കോണ്‍ഗ്രസ് മാറരുത്. അസംതൃപ്തര്‍ പോകട്ടെ എന്ന നിലപാട് കോണ്‍ഗ്രസിനില്ല.കോണ്‍ഗ്രസിനെ ശുദ്ധമാക്കാനുള്ള ശ്രമങ്ങളാണ് നടക്കുന്നതെന്നും സതീശന്‍ പറഞ്ഞു. .

ഈരാറ്റുപേട്ട പോയപ്പോള്‍ യുഡിഎഫ് കരുണാപുരം പിടിച്ചു

ഇടുക്കി: ഈരാറ്റുപേട്ടയില്‍ എസ്ഡിപിഐ പിന്തുണയില്‍ ഇടതുപക്ഷം കൊണ്ടുവന്ന അവിശ്വാസ പ്രമേയം പാസായപ്പോള്‍ യുഡിഎഫിന് ഭരണം നഷ്ടമാകുകയായിരുന്നു. എന്നാല്‍, ഇടുക്കിയിലെ കരുണാപുരത്ത് എന്‍ഡിഎ പിന്തുണയോടെ യുഡിഎഫ് കൊണ്ടുവന്ന അവിശ്വാസം പാസായി. ഇതോടെ എല്‍ഡിഎഫ് ഭരണം വീണു. എസ്ഡിപിഐയുടെ പിന്തുണ ലഭിച്ച വിഷയത്തില്‍ ഇടതുപക്ഷത്തെ പ്രതിക്കൂട്ടില്‍ നിര്‍ത്തുകയായിരുന്നു കോണ്‍ഗ്രസും മുസ്ലിം ലീഗുമെല്ലാം. കരുണാപുരത്ത് ഭരണം പിടിക്കാന്‍ എന്‍ഡിഎയുടെ പിന്തുണ തേടിയ യുഡിഎഫിനെതിരെ പ്രചാരണം നടത്തുകയാണിപ്പോള്‍ ഇടതുകേന്ദ്രങ്ങള്‍. 17 അംഗ ഭരണസമിതിയാണ് കരുണാപുരം പഞ്ചായത്തില്‍. കഴിഞ്ഞ തദ്ദേശ തിരഞ്ഞെടുപ്പില്‍ ഇടതുപക്ഷത്തിനും യുഡിഎഫിനും എട്ട് വീതം സീറ്റുകള്‍ ലഭിച്ചു. ഒരു സീറ്റ് എന്‍ഡിഎയ്ക്കും. എന്‍ഡിഎയ്ക്ക് വേണ്ടി ബിഡിജെഎസ് ആണ് മല്‍സരിച്ചതും ജയിച്ചതും. ആറാം വാര്‍ഡില്‍ നിന്ന് ജയിച്ച പിആര്‍ ബിനു ആണ് എന്‍ഡിഎയുടെ പ്രതിനിധി. തദ്ദേശ തിരഞ്ഞെടുപ്പിന് ശേഷം നടന്ന വോട്ടെടുപ്പില്‍ നിന്ന് എന്‍ഡിഎ അംഗം വിട്ടുനിന്നിരുന്നു. തുല്യമായ സീറ്റുകള്‍ ആയതോടെ നറുക്കെടുത്തു. ഭരണം എല്‍ഡിഎഫിന് കിട്ടി. കഴിഞ്ഞമാസം ഭരണസമിതിയുടെ കെടുകാര്യസ്ഥത ചൂണ്ടിക്കാട്ടി പ്രതിപക്ഷമായ യുഡിഎഫ് പ്രസിഡന്റിനും വൈസ് പ്രസിഡന്റിനുമെതിരെ അവിശ്വാസ പ്രമേയം അവതരിപ്പിച്ചു. എന്‍ഡിഎ പിന്തുണയോടെ പ്രമേയം പാസായി. ഇടതു ഭരണം വീഴുകയും ചെയ്തു. ഇടതുപക്ഷം അധികാരത്തിലെത്തിയ വേളയില്‍ പ്രസിഡന്റായി വിന്‍സി വാവച്ചനും വൈസ് പ്രസിഡന്റായി കെടി സാലിയുമാണ് തിരഞ്ഞെടുക്കപ്പെട്ടത്. ഇവര്‍ പ്രതിപക്ഷ വാര്‍ഡുകളെ പൂര്‍ണമായും അവഗണിക്കുന്നു. പഞ്ചായത്തിലെ മൊത്തം കാര്യങ്ങള്‍ ശ്രദ്ധിക്കുന്നില്ല. കൊവിഡ് വാക്‌സിന്‍ വിതരണത്തിലും വീഴ്ചകള്‍വരുത്തി. ഇങ്ങനെ നീളുന്നു യുഡിഎഫിന്റെ ആക്ഷേപങ്ങള്‍. ഇക്കാര്യം ചൂണ്ടിക്കാട്ടിയാണ് അവിശ്വാസ പ്രമേയം അവതരിപ്പിച്ചത്. യുഡിഎഫിലെ 13ാം വാര്‍ഡിലെ മിനി പ്രിന്‍സ് പ്രസിഡന്റായി തിരഞ്ഞെടുക്കപ്പെട്ടു. വനിതാ സംവരണമാണ് പ്രസിഡന്റ് പദവി. എല്‍ഡിഎഫില്‍ സിപിഎമ്മിന് അഞ്ച് അംഗങ്ങളും സിപിഐക്ക് രണ്ട് അംഗങ്ങളും കേരള കോണ്‍ഗ്രസ് എമ്മിന് ഒരംഗവുമാണുള്ളത്.

രാജ്യത്ത് 24 മണിക്കൂറിൽ 27,254 പുതിയ കോവിഡ് കേസുകൾ; 219 മരണം

രാജ്യത്ത് കഴിഞ്ഞ 24 മണിക്കൂറിനിടെ 27,254 പുതിയ കോവിഡ് കേസുകൾ റിപ്പോർട്ട് ചെയ്തു. ഇതോടെ ആകെ രോഗികളുടെ എണ്ണം 3,32,64,175 ആയി. 219 മരണം കൂടി കോവിഡ് മൂലമാണെന്ന് സ്ഥിരീകരിച്ചതോടെ കോവിഡ് ബാധിച്ചുള്ള ആകെ മരണം 4,42,874 . 37,687 പേർ കൂടി രോഗമുക്തി നേടിയതോടെ ആകെ രോഗം ഭേദമായവരുടെ എണ്ണം 3,24,47,032 ആയി. 97.54 ശതമാനമാണ് രോഗമുക്തി നിരക്ക്. 3,74,269 പേരാണ് നിലവിൽ ചികിത്സയിലുള്ളത്.1.13 ശതമാനമാണ് പ്രതിദിന പോസ്റ്റിവിറ്റി നിരക്ക്. .

പതിനാറുകാരിയെ പീഡിപ്പിച്ച 4 പേർ പിടിയിൽ

രാമപുരം: ഇൻസ്റ്റാഗ്രാമിൽ പരിചയപ്പെട്ട പതിനാറുകാരിയെ പ്രണയംനടിച്ച്‌ പീഡിപ്പിച്ച നാല്‌ പേർ പിടിയിൽ. യുവമോർച്ച പ്രവർത്തകൻ രാമപുരം ഏഴാച്ചേരി സ്വദേശി മേച്ചേരിൽ അർജ്ജുൻ ബാബു (25), സുഹൃത്തുക്കളായ പുനലൂർ പത്തനാപുരം പിറവന്തൂർ പള്ളിമേലേതിൽ മഹേഷ് (29), പിറവന്തൂർ മുളപ്പലേടത്ത് എബി മാത്യു (31), കൊണ്ടാട്‌ സ്വദേശി (16) എന്നിവരെയാണ്‌ രാമപുരം പൊലീസ്‌ അറസ്റ്റ്‌ ചെയ്‌തത്‌. പെൺകുട്ടിയെ അർജ്ജുൻബാബുവാണ്‌ ആദ്യം പീഡിപ്പിച്ചത്‌. തുടർന്ന്‌ സുഹൃത്തുക്കൾക്ക്‌ വിവരം കൈമാറി ഇവരും പീഡിപ്പിച്ചു. പെൺകുട്ടിയുടെ പെരുമാറ്റത്തിൽ സംശയംതോന്നിയ രക്ഷിതാക്കൾ കുട്ടിയെ ആശുപത്രിയിൽ എത്തിച്ച്‌ നടത്തിയ കൗൺസിലിങ്ങിലാണ്‌ പീഡനവിവരം അറിയുന്നത്. തുടർന്ന് രക്ഷിതാവിന്റെ പരാതിയിൽ പെൺകുട്ടിയുടെ മൊഴിയെടുത്തു. പ്രതികളെ പാലാ കോടതിയിൽ ഹാജരാക്കി റിമാൻഡ്‌ ചെയ്‌തു. കേസിൽ ഉൾപ്പെട്ട പ്രായപൂർത്തിയാകാത്ത പ്രതി പെൺകുട്ടിയുടെ സഹപാഠിയാണ്‌. പ്രതിയെ കോടതി നിർദ്ദേശപ്രകാരം ജുവനൈൽ ഹോമിലാക്കി. . .

സ്ത്രീകളുടെ ആത്മാഭിമാനത്തെ പാർട്ടി ചോദ്യം ചെയ്യുന്നു; ഹരിത മുൻ ഭാരവാഹികൾ

  മലപ്പുറം: ലീഗ് നേതൃത്വത്തിനെതിരെ രൂക്ഷ വിമർശനവുമായി ഹരിതയുടെ മുൻ ഭാരവാഹികൾ. അഭിമാനവും അസ്ഥിത്വവുമാണ് വലുതെന്ന് ഹരിത മുൻ ഭാരവാഹികൾ. പരാതി നൽകിയത് അധിക്ഷേപങ്ങൾക്ക് വിധേയരാകേണ്ടി വന്നതിനാൽ. പരാതി മെയിലിൽ തന്നെ അയച്ച് നേതൃത്വത്തെ അറിയിച്ചതാണ്. കുഞ്ഞാലിക്കുട്ടിക്ക് അടക്കം പരാതി നൽകിയിരുന്നു. നേതാക്കളെ നേരിട്ട് സന്ദർശിച്ചും പരാതി അറിയിച്ചിരുന്നു. അടിയന്തര വിഷയമായി പരിഗണിച്ച് നടപടിയെടുക്കണമെന്ന് ആവശ്യപ്പെട്ടു. ഞങ്ങളെ കേൾക്കാൻ തയ്യാറാകാണമെന്ന് പലതവണ അഭ്യർത്ഥിച്ചു. ഞങ്ങൾ നേരിട്ട അവഹേളനങ്ങളെ കുറിച്ച് മുസ്ലിം ലീഗിനെ കൃത്യമായി അറിയിച്ചതാണ്. പാർട്ടിക്ക് നൽകിയത് അൻപത് പേജുള്ള പരാതിയാണ്. പാർട്ടിക്ക് പരാതി നൽകി അൻപത് ദിവസങ്ങൾക്ക് ശേഷമാണ് വനിത കമ്മീഷനെ സമീപിക്കുന്നത്. പി കെ കുഞ്ഞാലിക്കുട്ടി, ഇ ടി മുഹമ്മദ് ബഷീർ, പിഎംഎ സലാം, സാദിക്കലി ശിഹാബ് തങ്ങൾ എന്നിവരെ നേരിട്ട് ഫോൺ വിളിച്ച് പരാതി അറിയിച്ചതാണ്. വനിതാ കമ്മീഷന് പരാതി നൽകിയത് വലിയ കുറ്റമായി പറഞ്ഞു. ചാനലിൽ പോയി പ്രശ്‌നം പരിഹരിച്ചോളാൻ പറഞ്ഞു. പരാതി ഉൾക്കൊള്ളാൻ നേതൃത്വത്തിന് സാധിച്ചിട്ടില്ല. പിഎംഎ സലാമിന്റെ പ്രതികരണം വേദനിപ്പിച്ചുവെന്നും ഇവർ ആരോപിച്ചു. സലാം അസത്യങ്ങൾ പ്രചരിപ്പിക്കുകയാണ്. കോഴിക്കോട് അങ്ങാടിയിൽ തെണ്ടിതിരിയുന്നവരാണ് തങ്ങളെന്ന് സലാം പരിഹസിച്ചു. പാണക്കാട് സാദിക്കലി ശിഹാബ് തങ്ങളും, പിഎംഎ സലാമും ഇടപെട്ടത് കൊണ്ടാണ് വിഷയം വഷളായത്. . . . .

< കൊച്ചി കപ്പൽ ശാലയ്‌ക്ക് മൂന്നാമതും ഭീഷണി

കൊച്ചി : കൊച്ചി കപ്പൽ ശാലയ്‌ക്ക് നേരെ വീണ്ടും ഭീഷണി. നേരത്തെ ലഭിച്ച ഭീഷണി സന്ദേശങ്ങളെക്കുറിച്ച് അന്വേഷിക്കുന്ന പോലീസ് അന്വേഷണ സംഘത്തിനാണ് ഭീഷണി സന്ദേശം ലഭിച്ചത്. കപ്പൽ ശാല തകർക്കുമെന്ന സന്ദേശമാണ് പോലീസിന് ലഭിച്ചത്. ഒരു മാസത്തിനിടെ ഇത് മൂന്നാമത്തെ തവണയാണ് കപ്പൽ ശാലയ്‌ക്ക് നേരെ ഭീഷണി സന്ദേശം ലഭിക്കുന്നത്. കഴിഞ്ഞ മാസം 24 നാണ് ആദ്യ ഭീഷണി സന്ദേശം എത്തുന്നത്. ഐഎൻഎസ് വിക്രാന്ത് ബോംബിട്ട് തകർക്കുമെന്നായിരുന്നു ഭീഷണി. വിലാസമറിയാൻ സാധിക്കാത്ത വിധത്തിലാണ് ഇ മെയിലിലൂടെ സന്ദേശം എത്തിയത്. തുടർന്ന് കപ്പൽ ശാല അധികൃതർ നൽകിയ പരാതിയിൽ പോലീസ് കേസെടുത്ത് അന്വേഷണം നടത്തിവരികയായിരുന്നു. ഇതിനിടെ രണ്ടാമതും ഭീഷണി സന്ദേശം ലഭിച്ചു. കപ്പൽ ശാല തകർക്കുമെന്നാണ് കഴിഞ്ഞ ദിവസം ഇ മെയിൽ വഴി വന്ന ഭീഷണി. ഇതിനെത്തുടർന്ന് കപ്പൽശാല അധികൃതർ പോലീസിൽ പരാതി നൽകുകയും ഈ പരാതിയിലും അന്വേഷണം ആരംഭിക്കുകയും ചെയ്തു. ആദ്യ ഭീഷണിയിൽ കപ്പൽ ശാലയിലെ ചില ജീവനക്കാരെ ചോദ്യം ചെയ്തിരുന്നു. ഭീഷണി സന്ദേശത്തിൽ കപ്പൽ ശാലയിലെ ചില ഉദ്യോഗസ്ഥരുടെ പേരും പദവികളും ഉണ്ടായിരുന്നു. ജീവനക്കാർക്ക് ഇതുമായി ബന്ധമുണ്ടോയെന്ന അന്വേഷണമാണ് നടന്നത്. എന്നാൽ തുടർച്ചയായി മൂന്നാം തവണയും ഭീഷണി ഉണ്ടായിട്ടും അന്വേഷണം എങ്ങും എത്താത്ത അവസ്ഥയിലാണ് ഉള്ളത്. .

സജിതയും റഹ്മാനും എം.എൽ.എയുടെ സാന്നിദ്ധ്യത്തിൽ വിവാഹിതരായി

പാലക്കാട്: നെന്മാറയിലെ റഹ്മാനും സജിതയും വിവാഹിതരായി. ഇന്ന് രാവിലെ പത്ത് മണിക്ക് നെന്മാറ സബ് രജിസ്ട്രാർ ഓഫീസിൽ വെച്ചായിരുന്നു വിവാഹം. നെന്മാറ എംഎൽഎ കെ. ബാബുവിന്റെ സാന്നിദ്ധ്യത്തിലായിരുന്നു വിവാഹം. വിവാഹത്തിന് സജിതയുടെ വീട്ടുകാർ എത്തിയിരുന്നു. റഹ്മാന്റെ വീട്ടുകാർ ചടങ്ങിൽ നിന്നും വിട്ട് നിന്നു. കുടുംബാംഗങ്ങൾ പങ്കെടുക്കാത്തതിൽ വിഷമമുണ്ടെന്ന് വിവാഹത്തിന് ശേഷം റഹ്മാൻ പ്രതികരിച്ചു. നെന്മാറ സ്വദേശിയായ റഹ്മാനാണ് വീട്ടുകാരും നാട്ടുകാരും അറിയാതെ പെൺകുട്ടിയെ വീട്ടിൽ ഒളിപ്പിച്ചത്. കാണാതായ റഹ്മാനെ വഴിയിൽവെച്ച് ബന്ധുക്കൾ കണ്ടെത്തിയതോടെയാണ് സംഭവങ്ങളുടെ ചുരുൾ അഴിയുന്നത്. പ്രാഥമിക ആവശ്യങ്ങൾ പോലും നിറവേറ്റാൻ സജിതയെ റഹ്മാൻ അനുവദിച്ചില്ലെന്നും, ഇത് കടുത്ത മനുഷ്യാവകാശ ലംഘനമാണെന്നും വ്യാപക വിമർശനം ഉയർന്നിരുന്നു. ഈ സാഹചര്യത്തിൽ വനിതാ കമ്മീഷനും സംഭവത്തിൽ ഇടപെട്ടു. റഹ്മാനെതിരെ വനിതാ കമ്മീഷൻ സ്വമേധയാ കേസെടുത്തിരുന്നു.വീട്ടുകാരുടേയും സമൂഹത്തിന്റേയും എതിർപ്പ് ഉണ്ടാകുമെന്ന ഭയം കൊണ്ടായിരുന്നു വീട്ടിൽ ഒളിപ്പിച്ച് താമസിപ്പിച്ചതെന്നായിരുന്നു ഇരുവരും വനിതാ കമ്മീഷനോട് പറഞ്ഞത്. സംഭവത്തിൽ നിരവധി പേർ ഇവരെ അനുകൂലിച്ചും എതിർത്തും രംഗത്തെത്തിയിരുന്നു. എന്നാൽ യുവാവും യുവതിയും പറയുന്നത് വിശ്വസനീയമാണെന്നായിരുന്നു പോലീസ് നിലപാട്.

അമിത വേഗത്തിലെത്തിയ കാർ ബൈക്കിലിടിച്ചു; ദമ്പതികൾക്ക് ദാരുണാന്ത്യം

ബെംഗളൂരു: കർണാടകയിൽ കാർ ബൈക്കിലിടിച്ച് ദമ്പതികൾക്ക് ദാരുണാന്ത്യം. ബൈക്ക് യാത്രികരാണ് മരിച്ചത്. ഇവർ തമിഴ്‌നാട് സ്വദേശികളാണ്. ബെംഗളൂരുവിലെ ഇലക്ട്രോണിക് സിറ്റി ഫ്‌ളൈ ഓവറിൽ ചൊവ്വാഴ്ച രാത്രിയായിരുന്നു അപകടം. അമിത വേഗത്തിൽ വരികയായിരുന്ന കാർ ബൈക്കിൽ ഇടിക്കുകയും ബൈക്ക് യാത്രികരായ ദമ്പതികൾ ഫ്‌ളൈ ഓവറിൽ നിന്ന് തെറിക്കുകയുമായിരുന്നു. 40 അടി താഴ്ചയിലേക്കാണ് ഇരുവരും തെറിച്ച് വീണത്. ഗുരുതരമായി പരിക്കേറ്റ ഇവരെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അതേസമയം കാർ ഡ്രൈവറായ നിതീഷിനും സാരമായി പരിക്കേറ്റിട്ടുണ്ട്. ഇയാളെ സ്വകാര്യ ആശുപത്രിയിൽ പ്രവേശിപ്പിച്ചു. സെക്ഷൻ 279, 304(എ) പ്രകാരം ഇലക്ട്രോണിക് സിറ്റി പോലീസ് നിതീഷിനെതിരെ കേസ് ചുമത്തിയിട്ടുണ്ട്. പ്രീതം (30), ശ്രുതിക (28) എന്നിവരാണ് അപകടത്തിൽ മരിച്ചത്.

എലിവിഷം വച്ച് പല്ലു തേച്ചു ; പെൺകുട്ടിക്ക് ദാരുണാന്ത്യം

മുംബൈ: മഹാരാഷ്‌ട്രയിൽ ടൂത്ത്‌പേസ്റ്റിന് പകരം എലിവിഷം ഉപയോഗിച്ച് പല്ലുതേച്ച പെൺകുട്ടിക്ക് ദാരുണാന്ത്യം. ധാരാവി സ്വദേശിയും 18 കാരിയുമായ അഫ്‌സാനയാണ് മരിച്ചത്. രാവിലെ എഴുന്നേറ്റ് പല്ലുതേക്കാൻ പേസ്റ്റ് തിരഞ്ഞപ്പോൾ സമീപത്ത് വച്ചിരുന്ന എലിവിഷത്തിന്റെ ട്യൂബ് അബദ്ധത്തിൽ എടുക്കുകയും പല്ലുതേക്കുകയുമായിരുന്നു. മാതാപിതാക്കൾ വഴക്ക് പറയുമെന്ന് ഭയന്ന് അബദ്ധം സംഭവിച്ച വിവരം പെൺകുട്ടി തുറന്ന് പറയാതിരുന്നതാണ് ആരോഗ്യനില വഷളാക്കിയതെന്ന് ആശുപത്രി അധികൃതർ അറിയിച്ചു. സെപ്റ്റംബർ 3ന് രാവിലെയായിരുന്നു എലിവിഷം ഉപയോഗിച്ച് അഫ്‌സാന പല്ലുതേച്ചത്. രുചിയിലും മണത്തിലും വ്യത്യാസം തോന്നിയ ഉടനെ വായ കഴുകിയെങ്കിലും അഫ്‌സാനയ്‌ക്ക് ‌അസ്വസ്ഥതകൾ ആരംഭിക്കാൻ തുടങ്ങി. കലശലായ വയറുവേദന അനുഭവപ്പെട്ടപ്പോൾ കയ്യിൽ കിട്ടിയ മരുന്നുകൾ കഴിച്ചു. വഴക്ക് കേൾക്കുമെന്ന് ഭയന്ന് മാതാപിതാക്കളിൽ നിന്നും വിവരം മറച്ചുവച്ചു. അഫ്‌സാനയുടെ ആരോഗ്യനില വഷളാകുന്നത് ശ്രദ്ധയിൽപ്പെട്ട വീട്ടുകാർ കാര്യമറിയാതെ തന്നെ ആശുപത്രിയിൽ എത്തിച്ചു. വിവിധ സർക്കാർ-സ്വകാര്യ ആശുപത്രികളിൽ ചികിത്സ തേടിയെങ്കിലും അഫ്‌സാനയുടെ ആരോഗ്യനില പൂർവസ്ഥിതിയിലായില്ല. ഒടുവിൽ എലിവിഷം വായിലെത്തിയ വിവരം അഫ്‌സാന തുറന്നു പറഞ്ഞു. ഉടൻ തന്നെ ജെ.ജെ ആശുപത്രിയിൽ എത്തിച്ച് ചികിത്സ തേടിയെങ്കിലും ചൊവ്വാഴ്ച വൈകിട്ട് അഫ്‌സാന മരിച്ചു. അപകടം സംഭവിച്ച് 11-ാം ദിവസം പിന്നിടുമ്പോഴായിരുന്നു അന്ത്യം. .

ഹരിത മുൻ ഭാരവാഹികളെ പിന്തുണച്ച എംഎസ്എഫ് സംസ്ഥാന വൈസ് പ്രസിഡന്റിനെ നീക്കി

മലപ്പുറം: ഹരിത മുൻ ഭാരവാഹികളെ പിന്തുണച്ച എംഎസ്എഫ് സംസ്ഥാന വൈസ് പ്രസിഡൻറ് പി പി ഷൈജലിനെ സ്ഥാനത്ത് നിന്ന് നീക്കി. അച്ചടക്ക ലംഘനം ചൂണ്ടിക്കാട്ടിയാണ് നടപടി. എംഎസ്എഫിന്റെയും ലീഗിന്റെയും എല്ലാ സ്ഥാനങ്ങളിൽ നിന്നും നീക്കം ചെയ്തതായി മുസ്ലിം ലീഗ് സംസ്ഥാന കമ്മിറ്റി അറിയിച്ചു. ഹരിതയുടെ പരാതി കൈകാര്യം ചെയ്ത് വഷളാക്കിയത് പിഎംഎ സലാമാണെന്ന് ലീഗ് ദേശീയ നേതൃത്വത്തിന് കത്തുകൊടുത്ത എട്ട് എംഎസ്എഫ് നേതാക്കളിൽ ഒരാളാണ് ഷൈജൽ. ഹരിതയിലെ പുതിയ ഭാരവാഹികളെ ലീഗ് നേതൃത്വം പ്രഖ്യാപിച്ചത് എംഎസ്എഫ് നേതാക്കളുമായി കൂടിയാലോചന നടത്താതെയാണെന്ന് ഷൈജൽ ആരോപിച്ചിരുന്നു. ഹരിത മുൻ സംസ്ഥാന ഭാരവാഹികൾക്ക് നീതി ലഭിച്ചില്ലെന്നും പ്രശ്നത്തിൽ ലീഗിൽ രണ്ടഭിപ്രായമുണ്ടെന്നും ഷൈജൽ വ്യക്തമാക്കിയിരുന്നു. അഭിപ്രായ സ്വാതന്ത്ര്യം ലീഗിൽ ഇല്ല. അതുള്ളവരെ വേട്ടയാടുകയാണ്. പരാതിക്കാർക്ക് പിന്തുണ നൽകിയവരെ ഒറ്റപ്പെടുത്താനാണ് ശ്രമമെന്നും ആരോപണ വിധേയർ ഗൂഢാലോചന നടത്തുകയാണെന്നും ഷൈജൽ ആരോപിച്ചിരുന്നു. ഹരിത വിഷയത്തിൽ താൻ സത്യത്തിനൊപ്പമാണ്. അഭിപ്രായം പറയുന്നവരെ ടാർഗറ്റ് ചെയ്യുന്ന സ്ഥിതിയാണ് പാർട്ടിയിലുള്ളതെന്നും ഷൈജൽ പറഞ്ഞിരുന്നു.

മഹിളാപ്രധാൻ ഏജൻസി റദ്ദാക്കി

തിരുവനന്തപുരം ജില്ലയിൽ അതിയന്നൂർ ബ്ലോക്ക് ഡെവലപ്‌മെന്റ് ഓഫീസർ മുഖേന മഹിളാപ്രധാൻ ഏജന്റായി നിയമിതയായ കാഞ്ഞിരംകുളം പോസ്റ്റോഫീസിലെ ആർ.വസന്തകുമാരിയുടെ (സി.എ. നം. 7/ATR/80)-ാം നമ്പർ ഏജൻസി, പണം തിരിമറിയുമായി ബന്ധപ്പെട്ട അന്വേഷണം പൂർത്തിയായതിനെ തുടർന്ന്, ബ്ലോക്ക് ഡെവലപ്‌മെന്റ് ഓഫീസർ റദ്ദു ചെയ്തു. പൊതുജനങ്ങൾ പോസ്റ്റോഫീസ് ആർ.ഡി. നിക്ഷേപവുമായി ബന്ധപ്പെട്ട് ഈ ഏജന്റുമായി പണമിടപാട് നടത്തരുതെന്ന് ദേശീയ സമ്പാദ്യ പദ്ധതി ഡയറക്ടർ അറിയിച്ചു. പോസ്റ്റോഫീസിൽ ആർ.ഡി. നിക്ഷേപം നടത്തി വരുന്ന എല്ലാ നിക്ഷേപകരും അതാതു മാസം അവരുടെ അക്കൗണ്ട് പാസ്സ്ബുക്ക് പരിശോധിച്ച് കൃത്യത ഉറപ്പു വരുത്തണം. ജില്ലയിലെ മഹിളാപ്രധാൻ ഏജന്റുമാരുടെ പ്രവർത്തനം സംബന്ധിച്ച പരാതികളും നിർദ്ദേശങ്ങളും ദേശീയ സമ്പാദ്യ പദ്ധതി ജില്ലാ ഓഫീസറെ അറിയിക്കാം. വിലാസം: ദേശീയ സമ്പാദ്യ പദ്ധതി ഡെപ്യൂട്ടി ഡയറക്ടറുടെ കാര്യാലയം, സി.ഐ. പരമേശ്വരൻപിള്ള റോഡ്, വഞ്ചിയൂർ, തിരുവനന്തപുരം-695035, .

പുനർഗേഹം പദ്ധതി: പണി പൂർത്തിയാക്കിയില്ലെങ്കിൽ നൽകേണ്ട പലിശ ഒഴിവാക്കും

പുനർഗേഹം പദ്ധതി പ്രകാരം ഒരു വർഷത്തിനുള്ളിൽ വീട് പണി പൂർത്തിയാക്കിയില്ലെങ്കിൽ പണം തിരിച്ചടവ് ഉറപ്പാക്കി പലിശ ഒഴിവാക്കാൻ മുഖ്യമന്ത്രി പിണറായി വിജയൻ നിർദ്ദേശിച്ചു. പുനർഗേഹം പദ്ധതിയുടെ പുരോഗതി വിലയിരുത്താൻ ചേർന്ന യോഗത്തിൽ സംസാരിക്കുകയായിരുന്നു മുഖ്യമന്ത്രി. 12 മാസത്തിനകം വീട് പണി പൂർത്തിയാക്കാനായില്ലെങ്കിൽ 18 ശതമാനം പലിശ സഹിതം പണം തിരിച്ചടയ്ക്കണമെന്ന വ്യവസ്ഥയാണ് മാറ്റിയത്. നിലവിൽ മത്സ്യ ത്തൊഴിലാളികളുടെ ഭൂമിയുടെ കൈവശാവകാശം അവരിൽ തന്നെ നിക്ഷിപ്തമാക്കും. കേരളത്തിന്റെ തീരദേശ മേഖലയിൽ വേലിയേറ്റ പരിധിയിൽ നിന്നും 50 മീറ്ററിനുള്ളിൽ അധിവസിക്കുന്ന കുടുംബങ്ങളെ സുരക്ഷാ കാരണങ്ങളാൽ മാറ്റി പാർപ്പിക്കുകയാണ് പുനർഗേഹം പദ്ധതിയുടെ ലക്ഷ്യം. 18655 പേരെ മൂന്നുവർഷത്തിനുള്ളിൽ പുനരധിവസിപ്പിക്കും. വ്യക്തിഗത ഭവനനിർമ്മാണം, ഭവനസമുച്ചയ നിർമ്മാണം, ഗുണഭോക്താവ് നേരിട്ട് വീടും സ്ഥലവും വാങ്ങൽ എന്നീ രീതികളാണ് സ്വീകരിക്കുന്നത്. ഗുണഭോക്താവിന് ഭൂമി വാങ്ങുന്നതിനും ഭവന നിർമ്മാണത്തിനും കൂടി പരമാവധി 10 ലക്ഷം രൂപയുടെ ധനസഹായമാണ് നൽകുന്നത്. ഭൂമിയും വീടും വിലയ്ക്കുവാങ്ങുന്നതിന് നിലവിൽ 500 സ്‌ക്വയർ ഫീറ്റ് വീടാണ് മാനദണ്ഡമായി സ്വീകരിച്ചിരിക്കുന്നത്. ഇത് 400 സ്‌ക്വയർ ഫീറ്റാക്കി നിജപ്പെടുത്താൻ മുഖ്യമന്ത്രി നിർദ്ദേശിച്ചു.


അഭിമാനാർഹമായ നേട്ടം

ലോകത്തിന് തലയുയർത്തി നിൽക്കാനുള്ള നേട്ടമാണ് രാജ്യം കൈവരിച്ചിരിക്കുന്നത്. കോവിഡിന് മുന്നിൽ പിടിച്ചു നിൽക്കാനുള്ള............

.

ക്രിക്കറ്റിലെ ഇന്ത്യൻ വിജയം

കഴിഞ്ഞ ദിവസം ഇന്ത്യൻ ക്രിക്കറ്റ് സേന ലോക സ്പോർട്സ് ഭൂപടത്തിൽ ............

അമേരിക്കയിൽ ഭരണ മാറ്റം

അമേരിക്കയിൽ ജോ ബൈഡന്റെ സ്ഥാനാരോഹണത്തോടെ ഒരു പുതു യുഗത്തിന് തുടക്കം

അഴിമതി ഉദ്യോഗസ്ഥരുടെ കടയ്ക്കൽ കത്തിവയ്ക്കുന്ന തീരുമാനം

നിശ്ചിത പരിധിവരെ കെട്ടിടനിർമാണത്തിൻറെ പെർമിറ്റ് സമ്പ്രദായം അവസാനിപ്പിക്കാൻ സർക്കാർ തീരുമാനിച്ചത് അത്യന്തം സ്വാഹതാർഹമാണ്. ....