ജൽ ജീവൻ പദ്ധതി: കേരളത്തിന് 1,804 കോടി

വനംകൊള്ള: ഗൂഢാലോചനയിൽ ഉദ്യോഗസ്ഥർക്കും പങ്ക്

ലക്ഷദ്വീപിലെ ഭരണപരിഷ്കാരങ്ങൾക്കെതിരായ ഹർജി ഹൈക്കോടതി തള്ളി

+

ബയോളജിക്കൽ ഇ’യുടെ ഇന്ത്യൻ നിർമ്മിത കൊറോണ വാക്സിൻ 90% ഫലപ്രദം

കണ്ണൂരിൽ യുഡിഎഫ് പഞ്ചായത്ത് അംഗം രാജിവെച്ചു

കണ്ണൂർ : ഏരുവേശ്ശി ഗ്രാമപഞ്ചായത്ത് യുഡിഎഫ് അംഗം രാജിവച്ചു. പതിന്നാലാം വാർഡ് മെമ്പർ ബെസ്റ്റിൻ എളംബ്ലാശ്ശേരിയാണ് രാജിവെച്ചത്. ഫേസ്ബുക്കിലൂടെയാണ് ബെസ്റ്റിൻ രാജിക്കാര്യം അറിയിച്ചത്. ഭരണസമിതിയോട് ഉണ്ടായ വിയോജിപ്പിനെ തുടർന്നാണ് രാജിയെന്നാണ് വിവരം.യു ഡി എഫ് ഭരണ സമിതിയുമായി യോജിച്ചു പോകാൻ സാധിക്കില്ലെന്ന് ബെസ്റ്റിൻ ഫേസ് ബുക്കിൽ കുറിച്ചു. . .

വർഗീയ വിദ്വേഷം പടർത്താൻ വീഡിയോ പ്രചരിപ്പിച്ചതിന് കേസെടുത്തു

ലക്നൗ : ഗാസിയാബാദിൽ മുസ്ലീം വയോധികന് മർദ്ദനമേറ്റ സംഭവം വളച്ചൊടിച്ചതിൽ വിശദീകരണം നൽകി മാദ്ധ്യമപ്രവർത്തകർ രംഗത്ത്. വീഡിയോയിലൂടെ വർഗീയ വിദ്വേഷം പടർത്താൻ ശ്രമിച്ചവർക്കെതിരെ യുപി പോലീസ് കേസെടുത്തിരുന്നു. ട്വിറ്ററും രണ്ട് കോൺഗ്രസ് നേതാക്കളും മാദ്ധ്യമ പ്രവർത്തകരുമടക്കം ഒൻപത് പേർക്കെതിരെയാണ് യുപി പോലീസ് കേസെടുത്തത്. തുടർന്നാണ് തെറ്റ് ഏറ്റുപറഞ്ഞുകൊണ്ട് മാദ്ധ്യമപ്രവർത്തകർ രംഗത്തെത്തിയത്. ജൂൺ 5 ന് മുസ്ലീം വയോധികനെ മർദ്ദിച്ച സംഭത്തിൽ കൂടുതൽ വിവരങ്ങൾ നൽകുന്നതായിരിക്കും എന്നാണ് ക്വിന്റ് പ്രതികരിച്ചത്. ഒരു ന്യൂസ് പേപ്പർ റിപ്പോർട്ടിൽ നിന്നും ലഭിച്ച വിവരത്തിന്റെ അടിസ്ഥാനത്തിലാണ് താൻ ട്വീറ്റ് ചെയ്തതെന്നും സംഭവത്തിൽ കൂടുതൽ വിവരങ്ങൾ പുറത്തുവരാനുണ്ടെന്നും സാബ പ്രതികരിച്ചു. ആൾട്ട് ന്യൂസ് സഹസ്ഥാപകൻ മുഹമ്മദ് സുബൈറും മാദ്ധ്യമപ്രവർത്തകനായ റാണ അയ്യൂബും പോസ്റ്റ് പിൻവലിച്ചതായി വ്യക്തമാക്കി. . .

.

എസി കാറുകളിലെ യാത്രയെക്കാൾ സുരക്ഷിതം ഓട്ടോറിക്ഷ

എസി കാറുകളില് സംഘമായി യാത്ര ചെയ്യുന്നവര്ക്ക്, ഓട്ടോറിക്ഷയില് സഞ്ചരിക്കുന്നവരെക്കാള് കൊറോണ പിടിപെടാനുള്ള സാദ്ധ്യത 306 മടങ്ങാണെന്ന് പഠനം. മെറിലാന്ഡിലെ ജോണ് ഹോപ്കിന്സ് സര്വകലാശാലയിലെ ബ്ലൂംബര്ഗ് സ്കൂള് ഓഫ് പബ്ലിക് ഹെല്ത്തിലുള്ള ഗവേഷക വിദ്യാര്ഥി ദര്പണ് ദാസ്, പ്രൊഫസര് ഡോ. ഗുരുമൂര്ത്തി രാമചന്ദ്രന് എന്നീ ശാസ്ത്രജ്ഞരാണ് പഠനം നടത്തിയത്. എസി ഓണായിരിക്കുന്ന അടച്ചു മൂടിയ വാഹനങ്ങളെക്കാള് വിന്ഡോകള് മടക്കിവച്ച നോണ് എസി ടാക്സിയില് അണുബാധ പിടിക്കാനുള്ള സാധ്യത 250 ശതമാനം കുറവാണെന്ന് പഠനം പറയുന്നു. കാറുകളില് വേഗം കൂടുന്നതനുസരിച്ച് വായുസഞ്ചാരം വര്ദ്ധിച്ച് വൈറസ് പകരാനുള്ള സാദ്ധ്യത 75 ശതമാനത്തോളം കുറയുമെന്ന് കണ്ടെത്തിയതായും റിപ്പോര്ട്ടുകള് പറയുന്നു. ഇന്ത്യയിലെ സാഹചര്യം കണക്കിലെടുത്ത് ഓട്ടോറിക്ഷ, കാര് (നോണ് എസി), ബസ്, കാര് (എസി) തുടങ്ങിയ വാഹനങ്ങളിലെ യാത്രയാണ് പഠനവിധേയമാക്കിയത്. ബസ് ഒഴികെ മറ്റു വാഹനത്തില് 5 യാത്രക്കാരും ഇതിലൊരാള് കൊറോണ പോസിറ്റീവും എന്നു സങ്കല്പിച്ചായിരുന്നു പഠനം. കൊറോണ ബാധിച്ചയാളില് നിന്ന് മറ്റുള്ളവരിലേക്ക് വൈറസ് പടരാനുള്ള സാദ്ധ്യതയാണ് ഗവേഷകര് കണ്ടെത്തിയത്. ഓട്ടോയേക്കാള് 86 മടങ്ങ് അധികമാണ് നോണ് എസി കാറില് കോവിഡ് സാധ്യത, ബസിലേത് ഓട്ടോയുടെ 72 മടങ്ങും. എല്ലാ വാഹനങ്ങളിലേയും യാത്രാസാഹചര്യം പരിഗണിച്ചാണ് ഓട്ടോയാണ് ഏറ്റവും സുരക്ഷിതം എന്ന നിഗമനത്തില് എത്തിയത്.

പ്രണയാഭ്യർത്ഥന നിരസിച്ചു: മലപ്പുറത്ത് പെൺകുട്ടിയെ കുത്തിക്കൊന്നു,

മലപ്പുറം: പ്രണയാഭ്യർത്ഥന നിരസിച്ച പെൺകുട്ടിയെ യുവാവ് കുത്തിക്കൊന്നു. പെരിന്തൽമണ്ണയിലാണ് സംഭവം. എളാട് സ്വദേശി ബാലചന്ദ്രൻ എന്നയാളുടെ മകൾ ദൃശ്യയാണ് കുത്തേറ്റ് മരിച്ചത്. സഹോദരി ദേവശ്രീക്കും കുത്തേറ്റു. രാവിലെ എട്ട് മണിയോടു കൂടിയാണ് നാടിനെ നടുക്കിയ സംഭവം ഉണ്ടായത്. പ്രതി വിനീഷിനെ പോലീസ് കസ്റ്റഡിയിലെടുത്തിട്ടുണ്ട്. നേരത്തെ ദൃശ്യയുടെ അച്ഛന്റെ കട കത്തിച്ച നിലയിൽ കണ്ടെത്തിയിരുന്നു. ഈ സംഭവത്തിന് പിന്നിലും വിനീഷ് തന്നെയാണ് എന്നാണ് പോലീസിന്റെ നിഗമനം. വീടിന്റെ രണ്ടാം നിലയിലെ മുറിയിൽ കയറി കത്തി കൊണ്ട് ഇരുവരെയും കുത്തിപ്പരുക്കേൽപ്പിക്കുകയായിരുന്നു. സഹോദരി ദേവശ്രീയെ ഗുരുതരാവസ്ഥയിൽ സ്വകാര്യ ആശുപത്രിയിൽ പ്രവേശിപ്പിച്ചു. നിലവിൽ ആരോഗ്യനില മെച്ചപ്പെടുന്നുണ്ടെന്ന് ആശുപത്രി അധികൃതർ അറിയിച്ചു. .

സിബിഎസ്ഇ 12-ാം ക്ലാസ് മൂല്യനിർണയം: 10,11,12 ക്ലാസുകളിലെ മാർക്ക് പരിഗണിക്കും,

ന്യൂഡൽഹി: രാജ്യത്തെ സിബിഎസ്ഇ മൂല്യ നിർണയത്തിന് പുതിയ ഫോർമുല. 12-ാം ക്ലാസിലെ മാർക്ക് നിർണയത്തിനുള്ള മാനദണ്ഡമായി. 30:30:40 എന്ന അനുപാതത്തിലാണ് മൂല്യ നിർണയം. വിദഗ്ധരായ അദ്ധ്യാപകരാണ് മാർക്ക് പരിഗണിക്കുക. മൂല്യനിർണയത്തിനുള്ള പുതിയ ഫോർമുല കേന്ദ്രസർക്കാർ സുപ്രീം കോടതിയെ അറിയിച്ചു. 10,11 ക്ലാസുകളിലെ മാർക്കിന് 30 ശതമാനം വീതം വെയ്റ്റേജ് അനുവദിക്കുന്നതാണ് പുതിയ മാനദണ്ഡം. പന്ത്രണ്ടാം ക്ലാസിലെ ഇതുവരെ നടന്ന പരീക്ഷകളിലെ മാർക്കിന് 40 ശതമാനം വെയ്റ്റേജുണ്ട്. പത്ത്, പതിനൊന്ന് ക്ലാസുകളിലെ ഏറ്റവും ഉയർന്ന മൂന്ന് മാർക്കുകളാണ് പരിഗണിക്കുന്നത്. സിബിഎസ്ഇ 12-ാം ക്ലാസ് മൂല്യനിർണയ രീതി സംബന്ധിച്ച് വ്യക്തത വരുത്തുന്നതിനായി നിയോഗിച്ച 13 അംഗ മൂല്യനിർണയ സമിതിയുടേതാണ് തീരുമാനം. ഇക്കാര്യം ഔദ്യോഗികമായി വെബ്സൈറ്റിൽ പ്രസിദ്ധീകരിക്കും. വിയോജിപ്പുള്ള വിദ്യാർത്ഥികൾക്ക് പരീക്ഷ എഴുതാൻ അവസരം നൽകുമെന്ന് സിബിഎസ്ഇ അറിയിച്ചിരുന്നു.

13270 പേർക്ക് കോവിഡ് 147 മരണം 15689 രോഗമുക്തി. 12471 സമ്പർക്കം വഴി

ലോക് ഡൌൺ ഭാഗിക നിയന്ത്രണം: കോളേജ് അധ്യാപകർക്ക് മാർഗനിർദ്ദേശം

ലോക്ക്ഡൗൺ നിയന്ത്രണങ്ങൾ ഭാഗികമായി മാത്രം പിൻവലിച്ച സാഹചര്യത്തിൽ കോളേജ് അധ്യാപകർ നിലവിലെ രീതിയിൽ വർക്ക് ഫ്രം ഹോം ആയി പ്രവർത്തിച്ചാൽ മതിയെന്ന് ഉന്നത വിദ്യാഭ്യാസ വകുപ്പ് ഉത്തരവിറക്കി. പരീക്ഷാ ചുമതലകളും പ്രിൻസിപ്പൽ നിർദ്ദേശിക്കുന്ന മറ്റു ജോലികളും നിർവഹിക്കേണ്ട അധ്യാപകർ അതാതു ദിവസങ്ങളിൽ കോളേജിൽ ഹാജരാകണം. കോളേജുകളിലെ അനധ്യാപകർ സർക്കാരിന്റെ പൊതുഉത്തരവിന്റെ അടിസ്ഥാനത്തിൽ ജോലിക്ക് ഹാജരാകണം. പരീക്ഷാ ജോലി നിർവഹിക്കുന്ന അനധ്യാപകർ പ്രിൻസിപ്പൽ നിർദ്ദേശിക്കുന്ന ദിവസങ്ങളിൽ കോളേജുകളിൽ ഹാജരാകണമെന്നും ഉത്തരവ് വ്യക്തമാക്കുന്നു. .

എസ്.ഐ.യു.സി. ഇതര ക്രിസ്ത്യൻ നാടാർ സമുദായത്തെ എസ്.ഇ.ബി.സി. പട്ടികയിൽ ഉൾപ്പെടുത്തും

എസ്.ഐ.യു.സി. ഇതര ക്രിസ്ത്യൻ നാടാർ സമുദായത്തെ ഉന്നതവിദ്യാഭ്യാസ കോഴ്സുകൾക്കുള്ള അഡ്മിഷൻ, എൻട്രൻസ് പരീക്ഷകൾ എന്നിവയ്ക്ക് എസ്.ഇ.ബി.സി. പട്ടികയിൽ ഉൾപ്പെടുത്താൻ തീരുമാനിച്ചു. ഇതിനാവശ്യമായ ഉത്തരവുകൾ പുറപ്പെടുവിച്ച് അടിയന്തിരമായി നടപ്പിൽ വരുത്തുവാൻ പിന്നാക്ക ക്ഷേമം, ഉന്നതവിദ്യാഭ്യാസം, ബന്ധപ്പെട്ട വകുപ്പുകൾ എന്നിവയ്ക്ക് നിർദ്ദേശം നൽകും. സമയബന്ധിതമായി ഇക്കാര്യം പൂർത്തിയാക്കുന്നതിന് മേൽനോട്ടം വഹിക്കാൻ ചീഫ് സെക്രട്ടറിയെ ചുമതലപ്പെടുത്തി. ഈ വിഭാഗത്തെ ഒ.ബി.സി. പട്ടികയിൽപ്പെടുത്തി ഉദ്യോഗനിയമനത്തിൽ സംവരണാനുകൂല്യം നേരത്തെ അനുവദിച്ചിട്ടുണ്ട്.

മാറ്റിവച്ച ഭാഗ്യക്കുറികളുടെ നറുക്കെടുപ്പ് 25 മുതൽ

കോവിഡ് നിയന്ത്രണങ്ങളുടെ ഭാഗമായി നറുക്കെടുപ്പ് മാറ്റിവച്ച സ്ത്രീശക്തി 259 , അക്ഷയ 496 , കാരുണ്യ പ്ലസ് 367 , നിർമൽ 223 , വിൻവിൻ 615 , സ്ത്രീശക്തി 260 , അക്ഷയ 497 , ഭാഗ്യമിത്ര - ബിഎം 6 , ലൈഫ് വിഷു ബമ്പർ - ബി ആർ 79 എന്നീ ഭാഗ്യക്കുറികളുടെ നറുക്കെടുപ്പ് യഥാക്രമം ജൂൺ 25 , 29 ജൂലൈ 2 ,6 ,9 ,13 ,16 ,20 ,22 തീയതികളിൽ നടത്തും. മാറ്റിവച്ച പ്രതിവാര ഭാഗ്യക്കുറികളുടെ നറുക്കെടുപ്പ് പൂർത്തിയാകുന്ന മുറയ്ക്ക് കോവിഡ് സാഹചര്യങ്ങൾ വിലയിരുത്തി പുതിയ പ്രതിവാര ഭാഗ്യക്കുറികളുടെ നറുക്കെടുപ്പ് ആരംഭിക്കും. ലോട്ടറികളുടെ എണ്ണം, തീയതികൾ തുടങ്ങിയ വിശദാംശങ്ങൾ പിന്നീട് തീരുമാനിക്കും . ലോക്ക് ഡൗണിൽ ഇളവുകൾ വരുത്തിയ സാഹചര്യത്തിൽ ഭാഗ്യക്കുറി ഓഫീസുകളിൽ 17 മുതൽ ലോട്ടറി വില്പന പുനരാരംഭിക്കും. ഓഫീസുകളിൽ ജീവനക്കാരുടെ എണ്ണം സർക്കാർ നിർദേശങ്ങൾക്ക് അനുസൃതമായി പരിമിതപ്പെടുത്തും. .

ഡെൽറ്റ വകഭേദത്തിനെതിരെ കൊവിഷീല്ഡിന്റെ ഒറ്റ ഡോസ് 61 ശതമാനം ഫലപ്രദം

ന്യൂഡല്ഹി: കൊറോണയുടെ ഡെല്റ്റ വകഭേദത്തെ പ്രതിരോധിക്കാന് കൊവിഷീല്ഡിന്റെ ഒറ്റ ഡോസ് 61 ശതമാനം ഫലപ്രദമാണെന്ന് കൊറോണ വര്ക്കിങ് ഗ്രൂപ്പ് മേധാവി ഡോ.എന്.കെ.അറോറ. വാക്സിന് നല്കുന്ന പ്രതിരോധം വളരെ മികച്ചതാണെന്നാണ് പഠനങ്ങള് പറയുന്നത്. ബ്രിട്ടണ് ഉള്പ്പെടെയുള്ള രാജ്യങ്ങള് വാക്സിന്റെ ഇടവേള 12 ആഴ്ചയായി വര്ദ്ധിപ്പിച്ചിരുന്നു. ഏപ്രിലില് ഇംഗ്ലണ്ടിലെ പൊതു ആരോഗ്യ സംവിധാനം 12 ആഴ്ച ഇടവേളയില് രണ്ടാം ഡോസ് എടുക്കുന്നത് 65 മുതല് 80 ശതമാനം വരെ ഫലപ്രാപ്തി വര്ദ്ധിപ്പിക്കുമെന്ന് വ്യക്തമാക്കിയിരുന്നു. രാജ്യത്ത് ആദ്യ ഘട്ടത്തില് വാക്സിന് ആദ്യ ഡോസിന് നാല് ആഴ്ചയ്ക്കുശേഷം രണ്ടാം ഡോസ് എടുത്താല് മതിയെന്നാണ് പ്രഖ്യാപിച്ചിരുന്നത്. മെയ് 13ന് ഇന്ത്യന് ആരോഗ്യമന്ത്രാലയം വാക്സീന് ഡോസുകളുടെ ഇടവേള 6-8 ആഴ്ചയില്നിന്ന് 12-16 ആഴ്ചയായി വര്ധിപ്പിച്ചു. ഈ സമയം രാജ്യത്ത് രോഗികള് വല്ലാതെ ഉയരുകയും വാക്സിന് ക്ഷാമം ഉണ്ടാവുകയും ചെയ്തിരുന്നു. വെല്ലൂര് ക്രിസ്ത്യന് മെഡിക്കല് കോളജിലെ ഗവേഷണസംഘം കോവിഷീല്ഡ് വാക്സീന്റെ ഒറ്റ ഡോസ് 61 ശതമാനം ഫലപ്രദമാണെന്നും, രണ്ട് ഡോസ് എടുക്കുന്നതോടെ 65 ശതമാനം ഫലപ്രാപ്തി ലഭിക്കുമെന്നും കണ്ടെത്തിയതായി ഡോ.അറോറ പറഞ്ഞു. കൊവിഷീല്ഡും കൊവാക്സിനും എടുത്തവര്ക്കുള്ള സുരക്ഷ സമാനമാണെന്നും അദ്ദേഹം പറഞ്ഞു. .

കൊറോണ രോഗിയുടെ ബന്ധുവിനെ പീഡിപ്പിക്കാൻ ശ്രമം: ആംബുലൻസ് ഡ്രൈവർ അറസ്റ്റിൽ

  കൊല്ലം: ചവറയിൽ യുവതിയെ പീഡിപ്പിക്കാൻ ശ്രമിച്ച ആംബുലൻസ് ഡ്രൈവർ അറസ്റ്റിൽ. ചവറ നടുവത്ത്ചേരി തെക്കുംഭാഗം സ്വദേശി സജിക്കുട്ടൻ ആണ് അറസ്റ്റിലായത്. കൊറോണ ആശുപത്രിയിലേക്ക് കൊണ്ടുപോയ രോഗിയുടെ ബന്ധുവായ യുവതിയെയാണ് ഇയാൾ പീഡിപ്പിക്കാൻ ശ്രമിച്ചത്. ജൂൺ 3നു രാത്രി 11 നു നടന്ന സംഭവത്തിൽ യുവതിയുടെ കുടുംബം പരാതി നൽകിയിരുന്നു. തുടർന്ന് തെക്കുംഭാഗം പോലീസാണ് പ്രതിയെ അറസ്റ്റ് ചെയ്തത്. കൊറോണ ബാധിതയായ വീട്ടമ്മ അബോധാവസ്ഥയിലായതോടെ ശങ്കരമംഗലത്തെ ചികിത്സാ കേന്ദ്രത്തിലേക്ക് മാറ്റുന്നതിനിടെയാണ് സംഭവം. പഞ്ചായത്തിന് വേണ്ടി കരാറടിസ്ഥാനത്തിൽ സർവ്വീസ് നടത്തുന്ന തെക്കുംഭാഗത്തെ ചാരിറ്റബിൾ സൊസൈറ്റിയുടെ ഉടമസ്ഥതയിലുള്ള ആംബുലൻസിലാണ് രോഗിയെ കൊണ്ടുപോയത്. ആശുപത്രിയിൽ സഹായിയായി നിൽക്കാൻ സ്ത്രീകളിലാരെങ്കിലും വേണമെന്ന് സജിക്കുട്ടൻ ആവശ്യപ്പെട്ടത് പ്രകാരമാണ് യുവതി കൂടി ആംബുലൻസിൽ കയറിയത്. യാത്രാമദ്ധ്യേ യുവതിയെ കടന്നു പിടിക്കാൻ ശ്രമിക്കുകയായിരുന്നു ഇയാൾ. എന്നാൽ അതുവഴി മറ്റൊരു വാഹനം കടന്നു പോയതോടെ ഇയാൾ പീഡന ശ്രമം ഉപേക്ഷിച്ചു. പിറ്റേന്ന് കൊറോണ രോഗി മരിച്ചു. കഴിഞ്ഞ ദിവസമാണ് യുവതി പരാതി നൽകിയത്. . . .

< ആർസിസിയിൽ ലിഫ്റ്റ് തകർന്നു വീണ് പരുക്കേറ്റ യുവതി മരിച്ചു

തിരുവനന്തപുരം: ആർസിസിയിൽ ലിഫ്റ്റ് തകർന്നു വീണ് പരുക്കേറ്റ് ചികിത്സയിലായിരുന്ന യുവതി മരിച്ചു. പത്തനാപുരം സ്വദേശിനി നദീറയാണ് മരിച്ചത്. ഇന്ന് പുലർച്ചയോടെയാണ് മരണം. മെയ് മാസം 15ന് ആർസിസിയിൽ ചികിത്സയിൽ കഴിയുന്ന അമ്മയെ സന്ദർശിക്കാനെത്തിയപ്പോഴാണ് ലിഫ്റ്റ് തകർന്ന് വീണ് നദീറയ്ക്ക് പരിക്കേറ്റത്. അപകടത്തിൽ തലച്ചോറിനും തുടയെല്ലിനും ഗുരുതരമായി പരിക്കേറ്റ നദീറ മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു. ആർസിസി ജീവനക്കാരുടെ ഗുരുതര വീഴ്ചയാണ് നദീറയുടെ ദുരവസ്ഥയ്ക്ക് കാരണമെന്ന് വിമർശനം ഉയർന്നിരുന്നു. ഏഴാം നിലയിലായിരുന്നു അമ്മ ചികിത്സയിൽ കഴിഞ്ഞിരുന്നത്. രണ്ടാം നിലയിൽ നിന്ന് ലിഫ്റ്റിലേക്ക് കയറിയ നദീറ ഉടൻ തന്നെ താഴേക്ക് പതിയ്ക്കുകയായിരുന്നു. അറ്റകുറ്റപണിക്കായി തുറന്നിട്ട ലിഫ്റ്റാണ് തകർന്നു വീണത്. .

കോൺഗ്രസ് ടൂൾകിറ്റ് കേസ്: ട്വിറ്റർ ഇന്ത്യ മേധാവിയെ ചോദ്യം ചെയ്തു

ന്യൂഡൽഹി: കോൺഗ്രസ് ടൂൾ കിറ്റ് കേസിൽ ട്വിറ്റർ ഇന്ത്യ മേധാവി മനീഷ് മഹേശ്വരിയെ ഡൽഹി പോലീസ് ചോദ്യം ചെയ്തു. മേയ് 31നാണ് ബംഗളൂരുവിൽ വെച്ച് മനീഷിനെ ചോദ്യം ചെയ്തതെന്നാണ് പുറത്തുവരുന്ന വിവരം. കോൺഗ്രസ് തയ്യാറാക്കിയ ടൂൾ കിറ്റ് പുറത്തുവിട്ട ബിജെപി വക്താവ് സമ്പിത് പാത്രയ്ക്കെതിരെ ട്വിറ്റർ നടപടിയെടുത്ത സംഭവം വിവാദമായിരുന്നു. കൊറോണയ്ക്കെതിരെയുള്ള കേന്ദ്രസർക്കാരിന്റെ പോരാട്ടത്തെ അപകീർത്തിപ്പെടുത്തുന്നതിന് കോൺഗ്രസ് പുറത്തിറക്കിയ ടൂൾകിറ്റിന്റെ വിവരങ്ങളാണ് സമ്പിത് പുറത്തുവിട്ടത്. ഈ ട്വീറ്റിനാണ് ട്വിറ്റർ മാനിപുലേറ്റഡ് മീഡിയ എന്ന ടാഗ് നൽകിയത്. ഇത് നീക്കണമെന്ന് ട്വിറ്ററിനോട് കേന്ദ്രസർക്കാർ ആവശ്യപ്പെട്ടിരുന്നു. ചില വിവരങ്ങൾ ഷെയർ ചെയ്യുമ്പോൾ തെറ്റായ വിവരം എന്ന് ട്വിറ്റർ തന്നെ രേഖപ്പെടുത്തുന്നതാണ് മാനിപുലേറ്റഡ് മീഡിയ ടാഗ്. സംഭവത്തിൽ അന്വേഷണം നടത്തുകയാണെന്നും അന്വേഷണത്തിലിരിക്കുന്ന കാര്യത്തെ കുറിച്ച് ട്വിറ്റർ വിധി പറയേണ്ടതില്ലെന്നുമാണ് കേന്ദ്രത്തിന്റെ നിലപാട്.

സുഡാനിൽ 135 ഇന്ത്യൻ സൈനികർക്ക് യുഎൻ മെഡൽ

ന്യൂയോർക്ക് : ഐക്യരാഷ്ട്രസഭ സമാധാന സേനയുടെ ഭാഗമായ 135 ഇന്ത്യൻ സൈനികർക്ക് വിശിഷ്ട സേവനത്തിനുള്ള പുരസ്ക്കാരം . ബ്ലൂ ബെററ്റ്സ് എന്നറിയപ്പെടുന്ന ഈ സൈനിക സംഘത്തിന് ദക്ഷിണ സുഡാനിലെ ജോങ്ലെയ് സ്റ്റേറ്റിലെയും ഗ്രേറ്റർ പിബോർ അഡ്മിനിസ്ട്രേറ്റീവ് ഏരിയയിലെയും മികച്ച പ്രകടനത്തിനാണ് അംഗീകാരം . ചടങ്ങിൽ യുഎൻ ഫോഴ്സ് കമാൻഡർ ലഫ്റ്റനന്റ് ജനറൽ ശൈലേഷ് ടിനൈക്കർ അദ്ധ്യക്ഷത വഹിച്ചു. ഇന്ത്യൻ സൈനികർക്ക് പുറമെ 103 ശ്രീലങ്കൻ ബ്ലൂ ബെററ്റുകൾക്കും മെഡൽ ലഭിച്ചു. ‘ വെല്ലുവിളി നിറഞ്ഞ അന്തരീക്ഷത്തിൽ ദക്ഷിണ സുഡാനിലെ യുഎൻ മിഷൻ ഉത്തരവ് നിറവേറ്റുന്നതിന് ഈ ഉദ്യോഗസ്ഥരെല്ലാം നൽകിയ സംഭാവനകൾക്ക് ഹൃദയംഗമമായ അഭിനന്ദനങ്ങൾ ”ശൈലേഷ് ടിനൈക്കർ പറഞ്ഞു. ലോകത്തിന്റെ വിവിധ ഭാഗങ്ങളിലായി നിരവധി ഇന്ത്യൻ സൈനികരാണ് യുഎന്നിന് വേണ്ടി സേവനം അനുഷ്ഠിക്കുന്നത്. ആഭ്യന്തര കലഹത്തിന്റെ പ്രതീതി നിലനിൽക്കുന്ന ഇവിടെ ക്രമസമാധാനം നിലനിർത്താനും തമ്മിൽ പോരാടുന്നവരെ അനുനയിപ്പിക്കാനും തകർച്ചയിൽ നിന്ന് രാഷ്ട്രത്തെ സംരക്ഷിക്കാനുമാണ് ഐക്യരാഷ്ട്ര സംഘടനയുടെ ദൗത്യ സംഘം ശ്രമിക്കുന്നത്.

മകളെ ശല്യം ചെയ്ത യുവാവിനെ അടിച്ചുകൊന്നു: പിതാവ് അറസ്റ്റിൽ

ചെന്നൈ: മകളെ ശല്യം ചെയ്ത യുവാവിനെ അടിച്ചുകൊന്ന പിതാവ് അറസ്റ്റിൽ. ചെങ്കൽപ്പേട്ടയിലെ പരനൂരിലാണ് സംഭവം. പതിനാറുകാരിയായ സ്കൂൾ വിദ്യാർത്ഥിനിയെ 22 കാരനായ യുവാവ് നിരന്തരം ശല്യപ്പെടുത്തുകയായിരുന്നു. തുടർന്നാണ് പിതാവ് നടുറോഡിൽ വച്ച് രാജേഷെന്ന യുവാവിനെ അടിച്ചുകൊന്നത്. മകളെ ശല്യം ചെയ്യരുതെന്ന്പിതാവ് പലതവണ രാജേഷിന് താക്കീത് നൽകിയിരുന്നു. എന്നാൽ കഴിഞ്ഞ ദിവസം പലചരക്കു കടയിൽ പോയി മടങ്ങിയ പെൺകുട്ടിയെ യുവാവ് വീണ്ടും ശല്യം ചെയ്യുകയായിരുന്നു. ഇതോടെ പ്രകോപിതനായ പിതാവ് സമീപത്തെ ജംഗ്ഷനിലെത്തി രാജേഷിനെ ആക്രമിക്കുകയായിരുന്നുവെന്ന് പോലീസ് പറഞ്ഞു. നാട്ടുകാരാണ് വിവരം പോലീസിനെ അറിയിക്കുന്നത്. രാജേഷ് സംഭവ സ്ഥലത്ത് വച്ചുതന്നെ മരിച്ചു. യുവാവിന്റെ മൃതദേഹം പോസ്റ്റുമോർട്ടത്തിന് ചെങ്കൽപ്പേട്ട സർക്കാർ മെഡിക്കൽ കോളേജിലേക്ക് അയച്ചിട്ടുണ്ട്. പിതാവിനെ കസ്റ്റഡിയിലെടുത്തതായും കേസ് രജിസ്റ്റർ ചെയ്തതായും പോലീസ് അറിയിച്ചു. .

ഡോഡോക്ടർമാർ തന്നെയാണ് മറഡോണയെ കൊലപ്പെടുത്തിയത്; ആരോപണവുമായി അന്വേഷണം നേരിടുന്ന നഴ്സിന്റെ അഭിഭാഷകൻ

ബ്യൂണസ് ഐറിസ്: ഫുട്ബോള് ഇതിഹാസം ഡീഗോ മറഡോണയെ പരിചരിച്ച ഡോക്ടര്മാര് തന്നെയാണ് അശ്രദ്ധയിലൂടെ അദ്ദേഹത്തെ കൊലപ്പെടുത്തിയതെന്ന ആരോപണവുമായി മറഡോണയെ പരിചരിച്ച നഴ്സിന്റെ അഭിഭാഷകന്. മറഡോണയുടെ മരണത്തില് അന്വേഷണം നേരിടുന്ന ഡഹിയാന ഗിസെല മാഡ്രിഡ് എന്ന നഴ്സിന്റെ അഭിഭാഷകനാണ് ആരോപണവുമായി രംഗത്തുവന്നത്. ഹൃദയ സംബന്ധമായ പ്രശ്നങ്ങള്ക്ക് മറഡോണ ചികിത്സ തേടിയിരുന്നു. അതിനൊപ്പം മനോരോഗ ചികിത്സയുമായി ബന്ധപ്പെട്ട മരുന്നുകളും മറഡോണ കഴിക്കുന്നുണ്ടായിരുന്നു. ഇത് ഹൃദയമിടിപ്പ് കൂടാന് കാരണമായി. ആശുപത്രിയില് ചികിത്സയിലിരിക്കെ അദ്ദേഹം വീണു. ഈ സമയം സിടി സ്കാന് എടുക്കാന് മറഡോണ ആവശ്യപ്പെട്ടെങ്കിലും, സഹായി അത് സമ്മതിച്ചില്ല. മാദ്ധ്യമങ്ങള് അറിഞ്ഞാല് മോശമാകും എന്നാണ് കാരണം പറഞ്ഞത്. മറഡോണ മരിക്കാന് പോവുകയാണെന്ന സൂചന നല്കുന്ന പല കാര്യങ്ങളുമുണ്ടായി. എന്നാല് ഇത് തടയാന് ഡോക്ടര്മാരുടെ ഭാഗത്ത് നിന്ന് യാതൊരു വിധ ശ്രമങ്ങളും ഉണ്ടായില്ലെന്നും അദ്ദേഹം ആരോപിച്ചു. മറഡോണയെ പരിചരിച്ച ഡോക്ടര്മാരും നഴ്സുമാരും ഉള്പ്പെടെ ഏഴ് പേര്ക്കെതിരെയാണ് നിലവില് അന്വേഷണം നടക്കുന്നത്. മറഡോണക്ക് ആവശ്യമുള്ള ചികിത്സ നല്കിയില്ലെന്ന് അന്വേഷണ സംഘം കണ്ടെത്തിയതോടെയാണ് ഇവര്ക്കെതിരെ കൊലക്കുറ്റം ചുമത്തി അന്വേഷണം ആരംഭിച്ചത്. 2020 നവംബര് 25നാണ് 60 വയസുകാരനായ മറഡോണ അന്തരിച്ചത്. ഇതിന് രണ്ടാഴ്ച്ച മുമ്പ് അദേഹം തലച്ചോറിലെ ശസ്ത്രക്രിയക്ക് ശേഷം ആശുപത്രി വിട്ടിരുന്നു. ചികിത്സാപ്പിഴവാണ് മരണകാരണമെന്ന് മറഡോണയുടെ മക്കളും ആരോപിച്ചിരുന്നു.

മകളെ വിവാഹം കഴിക്കണമെന്ന് പ്രതി ആവശ്യപ്പെട്ടു: ആവശ്യം നിരസിച്ചത് വൈരാഗ്യത്തിന് കാരണമായെന്ന് അച്ഛൻ

മലപ്പുറം: പ്രണയം നിരസിച്ചതിന് വീട്ടിൽ അതിക്രമിച്ച് കയറി പെൺകുട്ടിയെ കുത്തിക്കൊന്ന നാടിനെ നടുക്കിയ സംഭവത്തിന്റെ കൂടുതൽ വിവരങ്ങളാണ് ഇപ്പോൾ പുറത്തുവരുന്നത്. മകളെ വിവാഹം കഴിക്കണമെന്ന് പ്രതി വിനീഷ് അച്ഛൻ ബാലചന്ദ്രനോട് ആവശ്യപ്പെട്ടിരുന്നു. എന്നാൽ ബാലചന്ദ്രൻ ആവശ്യം അപ്പോൾ തന്നെ നിരസിക്കുകയായിരുന്നു. ഈ വൈരാഗ്യമാണ് ആക്രമണത്തിൽ കലാശിച്ചതെന്ന് അച്ഛൻ പറയുന്നു. പെരിന്തൽമണ്ണയിൽ ഇന്ന് രാവിലെയായിരുന്നു സംഭവം.കൊലപാതകം നടക്കുന്നതിന് രണ്ട് ദിവസം മുൻപാണ് വിനീഷ് ബാലചന്ദ്രന്റെ ഉടമസ്ഥതയിലുള്ള കളിപ്പാട്ട കടയിലെത്തി വിവാഹം കഴിക്കണമെന്ന ആവശ്യം ഉന്നയിക്കുന്നത്. കട തീയിടാൻ കാരണവും ഇതുതന്നെയാണെന്ന് പിതാവ് പറഞ്ഞു. ബാലചന്ദ്രൻ കൃത്യം നടക്കുന്നതിന് മുൻപ് ഏഴര വരെ വീട്ടിൽ ഉണ്ടായിരുന്നു. അദ്ദേഹം വീട്ടിലില്ലെന്ന് ഉറപ്പ് വരുത്തിയ ശേഷമാണ് വിനീഷ് വീടിനുള്ളിൽ അതിക്രമിച്ച് കയറി ദൃശ്യയെ കൊലപ്പെടുത്തുകയും തടയാൻ ശ്രമിച്ച സഹോദരി ദേവശ്രീയെ കുത്തി പരിക്കേൽപ്പിക്കുകയും ചെയ്തത്. വളരെ ആസൂത്രിതമായി നടത്തിയ കൊലപാതകമാണിതെന്ന് സംശയിക്കുന്നതായി നാട്ടുകാർ പറയുന്നു. പെൺകുട്ടിയുടെ അച്ഛന്റെ കടയ്ക്ക് തീയിട്ട് നശിപ്പിച്ച് ശ്രദ്ധതിരിച്ചാണ് പ്രതി കൃത്യം നടത്തിയതെന്നാണ് ഉയരുന്ന ആരോപണം. കൊലപാതകത്തിന് ശേഷം ഓട്ടോറിക്ഷയിൽ കയറി രക്ഷപെടാൻ ശ്രമിച്ച വിനീഷിനെ ഓട്ടോ ഡ്രൈവർ നേരെ പോലീസ് സ്റ്റേഷനിൽ എത്തിയ്ക്കുകയായിരുന്നു. പ്രതി വിനീഷും മരിച്ച പെൺകുട്ടിയും പ്ലസ് ടുവിൽ സഹപാഠികളാണ്. മൂന്ന് മാസങ്ങൾക്ക് മുൻപ് ദൃശ്യയെ ശല്യം ചെയ്തതിന് പോലിസിൽ പരാതി നൽകിയിരുന്നു. തുടർന്ന് പ്രതിയെ പോലീസ് താക്കീത് നൽകി വിട്ടയച്ചിരുന്നു. എൽഎൽബി വിദ്യാർത്ഥിയാണ് ദൃശ്യ. പ്ലസ്ടു മുതൽ പ്രണയാഭ്യർത്ഥനയുമായി ദൃശ്യയ്ക്ക് പുറകെ വിനീഷ് ഉണ്ടായിരുന്നുവെന്നാണ് നാട്ടുകാർ പറയുന്നത്. കൊലപാതകം നടന്ന ദൃശ്യയുടെ വീട്ടിൽ നിന്ന് പത്ത് കിലോമീറ്റർ അകലെയാണ് വിനീഷിന്റെ വീട്. .

പീഡനക്കേസ്: നീതി തേടി പ്രിയങ്കയ്ക്ക് ഇരയുടെ കത്ത്

കവളങ്ങാട്: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് ഗർഭിണിയാക്കിയ കേസിൽ പ്രതിയായ യൂത്ത് കോൺഗ്രസ് എറണാകുളം ജില്ലാ ജനറൽ സെക്രട്ടറി ഷാൻ മുഹമ്മദിനെതിരെ നടപടി സ്വീകരിക്കണമെന്ന് ആവശ്യപ്പെട്ട് കോൺഗ്രസ് ദേശീയ നേതൃത്വത്തിനടക്കം ഇരയുടെ കത്ത്. രാഹുൽ ഗാന്ധി, പ്രിയങ്ക ഗാന്ധി, ശശി തരൂർ എംപി, യൂത്ത് കോൺഗ്രസ് സംസ്ഥാന പ്രസിഡന്റ് ഷാഫി പറമ്പിൽ എംഎൽഎ, മാത്യു കുഴൽനാടൻ എംഎൽഎ എന്നിവർക്കാണ് പെൺകുട്ടി കത്തയച്ചത്. ഷാൻ മുഹമ്മദിനെ സംരക്ഷിക്കുന്ന നിലപാടാണ് കോൺഗ്രസ് നേതൃത്വം സ്വീകരിക്കുന്നത്. പരാതിയുമായി മുന്നോട്ടുപോയാൽ തന്നെയും കുടുംബത്തെയും കൊല്ലുമെന്ന് ഭീഷണിപ്പെടുത്തിയെന്നും പെൺകുട്ടി കത്തിൽ പറയുന്നു. ഷാൻ മുഹമ്മദിനെ സംരക്ഷിക്കുന്നതിന് കോൺഗ്രസ് രണ്ടുതവണ പൊലീസ് സ്റ്റേഷനിലേക്ക് മാർച്ചും നടത്തി.ഇത്തരം അനുഭവങ്ങൾ മറ്റൊരു പെൺകുട്ടിക്കും ഇനി സംഭവിക്കരുതെന്നും ഷാനെ പാർടിയിൽനിന്ന് പുറത്താക്കണമെന്നും പെൺകുട്ടി ആവശ്യപ്പെട്ടു. ‘നിങ്ങളിൽ വിശ്വാസമാണെന്നും തനിക്ക് നീതി നേടിത്തരണമെന്നും' കത്തിലുണ്ട്. പോത്താനിക്കാട് പഞ്ചായത്ത് യൂത്ത് കോ–-ഓർഡിനേറ്ററായ ഷാനെ മാറ്റിയിട്ടില്ല. യൂത്ത് കോൺഗ്രസ് ജില്ലാ കമ്മിറ്റിയും ഷാൻ മുഹമ്മദിന് അനുകൂലമായ നിലപാടാണ് സ്വീകരിച്ചത്. കേസിലെ ഒന്നാംപ്രതി റിയാസ് റിമാൻഡിലാണ്. പെൺകുട്ടിയെ ഭീഷണിപ്പെടുത്തി വാഹനത്തിൽ കയറ്റിക്കൊണ്ടുപോയി ഗർഭം അലസിപ്പിക്കാൻ മരുന്നു വാങ്ങി നൽകിയത് ഷാൻ മുഹമ്മദാണെന്ന് അന്വേഷണത്തിൽ കണ്ടെത്തിയിരുന്നു.


അഭിമാനാർഹമായ നേട്ടം

ലോകത്തിന് തലയുയർത്തി നിൽക്കാനുള്ള നേട്ടമാണ് രാജ്യം കൈവരിച്ചിരിക്കുന്നത്. കോവിഡിന് മുന്നിൽ പിടിച്ചു നിൽക്കാനുള്ള............

.

ക്രിക്കറ്റിലെ ഇന്ത്യൻ വിജയം

കഴിഞ്ഞ ദിവസം ഇന്ത്യൻ ക്രിക്കറ്റ് സേന ലോക സ്പോർട്സ് ഭൂപടത്തിൽ ............

അമേരിക്കയിൽ ഭരണ മാറ്റം

അമേരിക്കയിൽ ജോ ബൈഡന്റെ സ്ഥാനാരോഹണത്തോടെ ഒരു പുതു യുഗത്തിന് തുടക്കം

അഴിമതി ഉദ്യോഗസ്ഥരുടെ കടയ്ക്കൽ കത്തിവയ്ക്കുന്ന തീരുമാനം

നിശ്ചിത പരിധിവരെ കെട്ടിടനിർമാണത്തിൻറെ പെർമിറ്റ് സമ്പ്രദായം അവസാനിപ്പിക്കാൻ സർക്കാർ തീരുമാനിച്ചത് അത്യന്തം സ്വാഹതാർഹമാണ്. ....